發佈時間：15:00 2026-06-20
世上不只有媽媽好，爸爸一樣好。父愛偉大之處，在於他們工作時認真嚴肅，回到家，即秒速在子女面前變身甜心爸B，講疊字BB話，冧樣出晒嚟。
父親節即將來臨，對於新手爸爸方力申、蕭正楠、姜文杰、盛勁為，以及再做爸爸的古巨基來說，感受特別深，學沖涼、學餵奶、逗BB笑，盡力打好湊仔這份工。是老婆的神隊友或豬隊友都好，最緊要有心。
方力申溫馨父女裝
方力申基因強大，去年12月初為人父，和囡囡方愛嘉（Isla）十足餅印，連太太葉萱都舉手投降：「我認輸。」自從有了前世情人後，小方幾乎每一日都會在社交平台分享Isla的成長點滴。Isla萌到爆，一時吮腳趾，一時肚餓喊住扭食奶。有次小方明明趕着出門口，見到囡囡伸懶腰想起身，他就企定定拍片捕捉，開心了一整天。
囡囡日漸長大，小方心情矛盾，坦言不想時間過得那麼快，「今次幫佢沖涼，佢又醒目咗，唔止撳我隻手，仲想自己抹面。」早前他更解鎖人生第一次父女裝，齊齊換上紅白色球衣，賀阿仙奴奪賽季聯賽冠軍。未知下次會否轉場跳入泳池，改穿父女泳裝呢？
延伸內容：方力申演唱會│老婆抱埋B女到場支持│《百分百感覺》相隔20多年再合體│鄭中基 梁漢鐵三角重聚
古巨基圓大仔心願
古巨基今年元旦宣布再做奶爸，其57歲妻子Lorraine為他誕下第二胎。從此，大仔古晋匡（Kuson）和細仔古晋名（Kuderson）就成為他的心肝椗。他坦言追多一個小朋友，全因滿足大仔的心願，透露現在花很多時間餵奶、換尿片，忙也忙得快樂，「我是個很喜歡湊仔的男人。」
細仔得幾個月大，一見到爸爸古靈精怪，就會笑到卡卡聲。至於6歲大仔Kuson，古巨基一樣冇偏心，早前就帶他去新加坡海洋生態館參觀，「眨吓眼Kuson今年就會升小學，希望喺佢開始忙功課嘅年紀之前，多啲珍惜親子時光。」
蕭正楠捱眼瞓湊仔
今年是蕭正楠做爸爸後的第二個父親節，眼大大的囝囝「蕭哈哈」，不經不覺已經1歲多。太太黃翠如曾經讚他是神隊友，指沒有他在身邊會焦慮，但蕭正楠就自爆早期試過捱眼瞓湊仔，攰到渾渾噩噩，做了豬隊友。「有次我沖奶，一定係六殼加水，但我攞錯咗個大size嘅奶粉殼⋯⋯」
蕭正楠工作一有空檔，就會打視像電話給妻兒，早前更布置屋企為囝囝慶生，囝囝開心得大力拍手仔。有子萬事足的蕭正楠說：「哈哈很乖，每天吃很多奶，也睡得飽飽，長大了很多，需要更多空間。家裏的客廳已有3分2屬於他，媽媽的心更是百分百屬於他，相信他很快會比我高大。」
延伸內容：黃翠如 蕭正楠同「蕭哈哈」首過聖誕 聖誕樹look超萌！
延伸內容：心痛蕭正楠獨力養家 黃翠如產後速復出𢱑撈
姜文杰生女憶父愛
姜文杰在「520」（我愛你）放閃的大日子，宣布B女「小姜蓉」已經出世，自己升呢做爸爸，80歲秦沛就做爺爺。今年父親節，對兩父子都特別有意義。
養兒方知父母恩，姜文杰指見到秦沛抱孫女，想起45年前父親抱着自己餵奶的情景，猶如坐時光機，重新感受到父親對自己的愛，又謂女兒哭泣的樣子最像爺爺。
「你哋成日叫我唔好縱壞佢，次次出聲都抱住安撫佢，但我真係忍唔住。多謝你出現喺我生命，從今以後我嘅世界所有嘢都係為咗你，愛你，我的女兒。」
延伸內容：單親爸唔易做｜秦沛身家送前妻換撫養權｜魏駿傑捱到諗過做「傻事」 ｜八両金無奈帶子洪郎 父子形影不離
延伸內容：秦沛飲新抱茶！大仔姜文杰補辦婚禮
盛勁為培養小機師
盛勁為和麥明詩去年3月當上新手爸媽，囝囝現已1歲多，肥肥白白，企得好穩。大抵遺傳了爸爸的飛機師基因，和「十優港姐」媽媽的腦筋，囝囝對飛機情有獨鍾，會專心玩模擬駕駛飛機的玩具，搭飛機時又會「研究」飛機安全指引卡。
被老婆形容為「首席娛樂官」的盛勁為，除了專責陪囝囝玩之外，也有親力親為湊仔，出街用孭帶孭仔，冇問題；餵奶餵到自己冇手食飯，一樣OK。只
要囝囝健康成長，天天都是父親節。
延伸內容：麥明詩辛苦湊B忘記結婚紀念日 老公盛勁為送甜蜜驚喜
延伸內容：麥明詩BB出世喇 ! 麥明詩：爸媽會與你一起成長 !
