更新時間：16:18 2026-05-08
發佈時間：16:18 2026-05-08
發佈時間：16:18 2026-05-08
近日真人騷「魔音女團」熱播，多位練習生瞓身練習出擊，東姑都戥她們緊張。而「最強Body」稱號嘅郭珮文（Juliana）原來都好想參加「魔音女團」，但因為一個原因而無緣入團，她錯失了機會之外，相信粉絲們更加失望。
曾唱王菲《開到荼蘼》一唱驚人
東姑好記性，好記得3年前《2023香港小姐競選》決賽前，16位候選佳麗拍了才藝表演片段上載到官方網站，畀大家欣賞欣賞，而當時16號的郭珮文（Juliana)就大展歌喉唱出王菲經典名曲《開到荼蘼》，即時獲得不少網民大讚唱功有料到，只是有些網民批表情欠奉，毫無投入感。
郭珮文連王菲的經典名曲都敢挑戰，但就沒有參加「魔音女團」，東姑都覺得好奇怪，於是揾郭佩文問過究竟，而郭佩文就話：「其實我都好想好想參加，但因為當時我要去外地工作，所以參與唔到個面試，我都好失望，希望下次再有機會啦！」
被「最強Body」耽誤了的歌手
郭珮文冇得現身「魔音女團」，相信她的粉絲們都會大感失望。不過，東姑窩心，近日就搵郭珮文出嚟唱畀大家聽。東姑原本以為會聽到郭珮文驚天動地的「魔音」，點知發現她原來深藏不露，實屬唱得之人！郭珮文不止完全非「魔音」之類，唱得仲音準紮實、感情細膩，絕對係實力派嘅「靚聲王」。郭珮文有樣、有身材，仲要有一把「天使之音」，唔參加「魔音女團」，都可以直接進軍樂壇呀！
延伸內容 : 女神配對計劃2丨「最強Body」郭珮文為「月入十萬」擇偶條件解畫 陳若思唔介意與另一半AA制
延伸內容 : 女神配對計劃 2｜5大女神現身「最強Body」郭珮文 、陳若思、俞可程、阮嘉敏、何沛珈急脫單
延伸內容 : 陳懿德水着遊日派福利 郭珮文古惑開窿震撼眼球
最Hit
