發佈時間：18:33 2026-04-14
著名填詞人鄭國江屹立香港樂壇55年，撰寫廣東歌詞超過2千首。為表揚這位殿堂級詞人的貢獻，一連3場《鄭國江詞名一生紀念群星演唱會2026》將於5月15日至17日假灣仔伊利沙伯體育館舉行。今日（14日）開記者招待會交代詳情，鄭老師獲區瑞強、肥媽Maria Cordero及鄭子誠親身到場支持，席間鄭老師因聽見歌詞曾經改變年輕人生命而一度感觸落淚。
區瑞強封鄭國江為「詞神」
身兼演唱會策劃人的區瑞強，在記招上將鄭國江尊稱為「詞神」。他解釋這個稱號並非恭維，而是因為鄭老師的作品總能令歌手登上事業高峰。區瑞強舉例指，譚詠麟向來甚少主唱電視劇主題曲，但由鄭老師填詞的〈誰可改變〉卻成為經典；鄧麗君從未唱過廣東歌，一曲〈漫步人生路〉同樣唱到街知巷聞，「鄭老師寫親都中，成為歌手好Hit嘅歌，所以個個歌手同我講都好感激鄭老師。」區瑞強又透露，從2千多首作品中先精選出100首，但演唱會根本無法唱足咁多首歌，接下來還要再頭痛如何刪減。
肥媽指靠鄭老師作品登台養家
肥媽雖然從未有作品出自鄭國江手筆灌錄唱片，但她直言自己多年來靠演繹鄭老師的歌詞，養大了6個仔女及17個孫。肥媽在記招上笑言：「我去到全世界登台，唱鄭老師嘅歌利是都多啲，因為台下個個觀眾都識唱，我一定唔可以唱錯歌詞。」她特別提到每次唱薰妮的〈故鄉的雨〉，唱到「一封家書……」時台下觀眾總會聽到落淚。肥媽感性地說：「我唔唱鄭老師嘅歌，點樣養大我班化骨龍呀！雖然佢冇作過歌畀我灌唱片，但係我都搵到錢，好多謝鄭國江老師。」
鄭子誠憶人生高低有鄭老師相伴
鄭子誠雖未有份參與今次作品展演出，但他堅持出席記招以示支持，皆因鄭國江對香港樂壇的貢獻太大，自己也受到歌記感動，「我喺人生裏面經歷過好多高低起跌，每個階段都有鄭老師嘅歌陪住我，所以我今日要用行動嚟支持。」
鄭老師聽真情分享感觸落淚
聽見一眾嘉賓的真情分享，鄭國江在台上感動得要用紙巾抹眼淚。這位寫了55年歌詞的詞人坦言，從沒想過自己的作品擁有如此大的影響力。他憶述一個難忘片段：「有次同太太去尖沙咀飲茶，有個年輕人走嚟叫我鄭老師，佢話『我真係你教小學嘅學生嚟』，佢話出嚟工作唔如意，跟住收埋自己變成咗隱閉青年兩年，但係有晚聽收音機聽到陳百強嘅〈飛出去〉，畀到鼓勵佢跟住第二日去買報紙搵工，一路做到𠵱家都好好，仲見返爸爸媽媽，其實我都唔記得我寫過呢首歌，歌詞好簡單，但原來某個情景會令人有感觸，呢啲事令我最感動。」
群星陣容曝光 3晚演出各有驚喜
演唱會嘉賓陣容強勁，5月15日有區瑞強、林子祥、葉振棠、周國豐、李思捷、李紫昕及Vincie；5月16日有區瑞強、鍾鎮濤、肥媽、黎瑞恩、曾路得、李紫昕及Vincie；5月17日則有區瑞強、譚詠麟、陳美齡、林志美、露雲娜及李紫昕。區瑞強強調，邀請歌手時大家都一呼百應，因為大家都知道是為鄭老師的作品展出力。
《鄭國江詞名一生紀念群星演唱會2026》
主辦機構：Purple Star Music Publishing Ltd
舉行日期：2026年5月15、16、17日（星期五、六、日）
舉行地點：灣仔伊利沙伯體育館表演場
購票連結：https://www.urbtix.hk/event-detail/14742/
