發佈時間：16:52 2026-03-17
《羅啟豪&譚輝智雙聲演唱會2026》將於6月初在紅館舉行，昨日（16日）兩位主角聯同出品人陳淑芬及馬榮成、演唱會總監蕭潮順、創作總監鄭丹瑞（旦哥）、監製Polly Chung、音樂總監趙增熹及服裝設計陳華國等一齊出席記者會，分享籌備點滴和難忘事。
鄭丹瑞率先報稱「三喜臨門」
記者會上，旦哥率先報喜，指昨日三喜臨門：第一是「健康•旦」YouTube頻道訂閱破60萬；第二是他榮升外公；第三當然是譚輝智和羅啟豪進軍紅館開唱。其後譚輝智和羅啟豪到台上細述從得悉有機會開騷，一直難以置信到夢想成真，再經高人指點的心路歷程。大會更安排他們向幕後團隊送禮，答謝無私教導。
譚輝智形容當日談開騷似騙案
譚輝智受訪時透露，演唱會正密鑼緊鼓籌備中，並憶述：「上年年頭聽到有人搵我哋去紅館開騷，仲以為係講笑，甚至懷疑係騙案。就算之後申請場地，都抱住『批咗先算』嘅心態。」談到演出內容，羅啟豪表示已看過舞台設計，感覺非常震撼，除了唱歌，二人亦會落力跳舞。至於會否騷肌？譚輝智笑言：「真係要睇到時身形，如果操到六嚿腹肌，到時一定除衫。」
譚輝智稱在紅館表演壓力極大
談到紅館經驗，譚輝智稱曾在國慶騷表演，壓力極大，臨出場前心跳飆至150。他形容今次感覺如夢似幻：「細個成日去紅館睇騷，從未諗過自己會踏上呢個舞台。到40幾歲仲有機會，真係唔敢想像。」被問及嘉賓陣容，他指時間上或許未必許可；羅啟豪亦認同時間緊迫，更希望能把握機會與譚輝智合力炮製合作環節，畢竟過往甚少同台。
羅啟豪指為演唱會「練好歌跳好舞」
二人現時既要敲定歌單，又要積極減肥。譚輝智笑言自己已「減咗好多年」，今次必定要認真戒口；羅啟豪則指要堅守崗位，練好歌、跳好舞，才能對得住團隊與粉絲。譚輝智更透露，屆時會盡展所長，甚至不排除將畫畫融入表演當中。
拉姑為《中年好聲音》忠實支持者
談到家人支持，譚輝智指因名額有限，只能邀請10位親友，連女兒亦未有預留位置。身為其歌迷會「永遠榮譽會長」的狄波拉（拉姑）雖未見蹤影，但他透露拉姑早已向他訂購大量門票力撐。對於有指拉姑「移情別戀」跟張與辰飯敍，譚輝智即代為澄清，強調拉姑經常相約不同朋友聚會，對《中年好聲音》一眾參賽者同樣愛護，從未偏心任何人。羅啟豪亦附和，指拉姑絕對是《中年好聲音》的忠實支持者。
延伸內容：譚輝智親解拉姑寵愛之謎 爆喊陪最愛開刀「望住手術室盞燈，我真係好驚！」
延伸內容：羅啟豪親手炮製水仙頭短片熱爆 2月初首度挑戰全黑中演唱行善 笑稱最難是記歌詞
延伸內容：羅啟豪2026首推國語歌 挑戰一口氣唱38個字 拍MV首探高街鬼屋舊址
