更新時間：17:27 2026-03-11
發佈時間：17:27 2026-03-11
發佈時間：17:27 2026-03-11
有養開貓狗嘅朋友，相信總會幻想過，如果有朝一日可以同主子直接溝通，知道佢哋諗乜，你話幾好呢？
唔知係咪彼思聽到大家嘅心聲，第30部動畫《狸想奇兵》（Hoppers）講科學家發明咗一項嶄新技術，將人類意識「跳」入機器動物身上。動物發燒友美寶因為咁而變成「河狸」，潛入動物世界，游說佢哋團結一致對抗人類，拯救面臨被消失嘅家園，點知搞出個大頭佛⋯⋯
大自然反抗
《狸想奇兵》由曾榮獲艾美獎提名、人氣卡通《熊熊遇見你》（We Bare Bears）主創人Daniel Chong執導，率領《玩轉腦朋友2》（Inside Out 2）製作班底製作。電影玩意識、玩「上身」，呢個概念似曾相識，團隊喺片中亦不忘自嘲，彈出一句對白：「呢個技術咪即係《阿凡達》（Avatar）咁。」
導演Daniel話：「我哋希望觀眾預先理解呢部電影嘅設定有啲瘋狂，帶點幽默，同時亦擁有彼思電影嘅情感，相信大家一定會覺得非常有趣。」
電影可以話係《阿凡達》加《職業特工隊》嘅超萌動物版，主角美寶將意識「上身」入機器河狸體內，肥嘟嘟又哨牙，人見人愛，仲有招攬佢做左右爪嘅河狸國王佐治、熊人艾倫、瘋狂撳emoji嘅綠色小蜥蜴阿湯、魚女王、鳥國王等等。
梅麗史翠普配音
如果睇英語版，一定要豎起耳仔，事關昆蟲女王由金像影后梅麗史翠普（Meryl Streep）配音，佢喺動物大會上充滿霸氣咁話：「人類嘅背叛到此為止，我哋要捽爆人類！」號召海陸空動物出動，首先去搵被誤會係「人類國王」嘅市長謝利算帳。
美寶知道搞大咗件事，於是拉埋河狸國王等一班自己友收拾殘局，誓要完成不可能嘅任務，建立「狸」想世界。
上映日期：3月12日
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
即睇：馬德鐘眼濕濕憶亡母：我好痛！ | 難忘當差亡命飛車追賊 | 肉搏朱茵真相 婚姻傳曾亮紅燈
即睇：劉威煌賣珍珠奶茶做到買數銀紙機︱ 愛犬訣別彩虹橋鼻酸感人故事︱ 罕談娛圈最難受歲月：我放棄過！
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
