發佈時間：15:45 2026-03-03
林盛斌（Bob）及鍾楚霖旗下的棋人娛樂，今日（3日）舉行《The Best Awaits 棋人先聲迎新聚》，宣布許紹雄（Benz雄）女兒許惠菁、王晶女兒王海榛（前名王子涵/ DaDa）、應昌佑和劉晨芝正式加盟司儀團隊，眾女都叫「金牌媒人」阿Bob幫手做媒人，並大講擇偶條件。想不到2023年底才結婚的許惠菁，在眾人慫恿下表示要搵個心地善良和孝順的對象，即令人揣測其婚姻狀況是否有變。
應昌佑王海榛加盟做司儀
春茗一開始，阿Bob先向大家表示：「新年快樂！今日元宵佳節，祝大家人月兩團圓。好開心今次有重要消息公布，我請到幾位相識好耐、又非常欣賞嘅朋友加入，佢哋都希望喺司儀或主持範疇有新發展。」
應昌佑先謙虛表示：「好耐冇見，希望大家冇忘記我呢個名字，能夠加入棋人我覺得好榮幸。嚟緊目標係以MC工作為主，自己經驗唔算多，但我一定會努力鑽研，希望好快有多啲機會同大家見面。」
王海榛亦興奮表示：「好開心阿Bob咁睇得起我，覺得我可以勝任司儀或主持嘅角色。其實呢兩年好慶幸有啲好好嘅朋友俾機會我做婚禮司儀，接下來想接多啲司儀工作。其實我𠵱家都做緊Social Media嘅嘢，呢個都係我發展方向之一。」
許惠菁多謝阿Bob賞識
至許惠菁發言時，她先感激阿Bob的賞識：「2025年對我嚟講係人生一個幾大嘅轉變，亦發生咗好多事。好多謝阿Bob，點講好呢？我就Underestimate（低估）咗自己，佢就Overestimate（高估）咗我，令我有機會加入CHESSMAN呢個大家庭，希望嘗試多啲唔同範疇嘅工作，主持同MC係其中一樣，之前做開Social Media嘅嘢都會繼續，希望大家多多指教。」
想搵心地善良及孝順對象
席間眾人談到感情生活時，王海榛與劉晨芝都趁機叫阿Bob幫忙做媒人，並大談擇偶條件，然而當話題落到許惠菁身上時，她竟在眾人慫恿下順勢表示想搵個心地善良和孝順的對象，此言一出即惹來揣測。事實上，Charmaine於2023年底才與新加坡金融才俊Shane舉行盛大婚禮，當時婚宴星光熠熠，獲大批圈中好友到賀。
避談婚姻兼對老公隻字不提
許惠菁其後被追問婚姻生活時，她一反常態多次以「事業為重，努力做嘢，多多關照」輕輕帶過，避談老公。阿Bob見狀即出手解圍，將話題帶到工作上，透露下星期Charmaine將主持一個演唱會記招。
其實Charmaine早前宣布加盟棋人時，曾於社交平台發文提到：「半年前嘅我點都唔會諗到呢段時間會需要經歷接二連三嘅變化，3個月內一次又一次咁推我出comfort zone。」除了父親許紹雄的健康狀況曾令她憂心外，當時已令外界猜測其婚姻是否出現暗湧。
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
即睇：馬德鐘眼濕濕憶亡母：我好痛！ | 難忘當差亡命飛車追賊 | 肉搏朱茵真相 婚姻傳曾亮紅燈
即睇：劉威煌賣珍珠奶茶做到買數銀紙機︱ 愛犬訣別彩虹橋鼻酸感人故事︱ 罕談娛圈最難受歲月：我放棄過！
立即追蹤《東周刊》全新WhatsApp頻道，緊貼全城熱話、突發猛料、獨家消息！
