發佈時間：15:27 2026-03-03
教育兒女成長，父母費盡心思，一位港媽日前帶女兒到麥當勞領取免費的迷你雪糕，希望在過程中幫助她練大膽，並在社交網絡分享過程及感受，然而卻有部分網民指教女兒去領免費食物，如同乞食，一些抨擊說話十分難聽；幸而有更多網民撐港嗎，指這是麥當勞推出的推廣活動，孩子有排隊，而且只是領一次又不是領十次，何來乞食之說。
首次失敗 第2次成功
港媽KK在社交網絡threads發出有關「麥當勞迷你雪糕」的貼文，她說：
「唔知大家知唔知道，其實小朋友可以去麥當勞拎迷你雪糕呢？阿女知道後，經過麥當勞都會話想入去拎番杯。
我就當呢個機會比佢自己練習下大膽d，我每次都會企遠少少觀察，今次佢係櫃枱排隊，到佢個陣，收銀職員竟然講左一句。。。
「唔得閒丫，等陣」
女兒第一次領雪糕失敗，之後港媽鼓勵她向穿制服的經理姐姐提出要求，最終成功獲得迷你雪糕。
然而這個舉動，卻惹來部分網民批評，指她的舉動形同教女兒乞食，並指如果要練大膽，為何去排免費雪糕而不去用錢買雪糕？
麥當勞於2024年開始，於部分分店為六歲以下兒童派發免費迷你雪糕杯，小編都親眼目睹兒童領導雪糕杯後十分開心。
勇氣雪糕助小朋友練大膽
之後陸續有網民分享兒女們在麥當勞領免費雪糕杯的快樂，漸漸廣為人知，並將此迷你雪糕杯稱為「勇氣雪糕」。亦有網民分享教路，並非每一間分店都有，而且不定時派發，當見到有派免費迷你雪糕杯的穿制服姐姐時，小朋友就可以上前大膽向姐姐提出希望領雪糕，這個過程對於小朋友鼓起勇氣對陌生人及在公眾環境提出要求很有幫助，是一個連大膽的過程，所以在父母圈都廣為流傳。
上述發帖的港媽和女兒經歷了這個練大膽的過程，女兒亦得到快樂，不過就受到一些酸民抨擊。
港媽事後回應：「話我教個女乞食個d，其實都真係有啲過分，我都唔評論咁多，因為觀點與角度不同，評論人好容易，我自己做好我本分得，亦都無人一出世就識做人阿媽，每個小朋友都唔一樣，我都係用我有限嘅思維同方法，做人處事態度去教我個女，可能有啲人可以做得更好，呢條路好長，我都學習中．．」
網民為港媽抱不平
亦有不少網民的撐港媽：「留言又唔撚駛咁惡毒嘅。明明係人哋餐廳推出呢樣小朋友送你雪糕，你話連氣攞十個就乞衣啫而家攞一個啫 有乜撚問題？」
「Threads 真係好toxic，一個咁正面，人哋媽媽教小朋友嘅 post，可以變成話人哋乞。。m記本來就有呢個service送比小朋友 唔明樓主有咩問題」
事實上，不少網民分享過領雪糕經歷其中一位帳帳號caylie_cc的threads用戶就分享：「只要夠大膽，肯開口問，小朋友就會得到迷你雪糕（我亦都堅持唔幫佢問）
呢個比起用錢買雪糕買食物更可貴
教導子玥，只要勇敢大膽講出口，就會有意想不到既收獲
由出門口到麥當勞，沿路練習左好多次
亦都比心理準備佢，唔開口就無得食雪糕
去到見到姨姨，當然有淆底講野細聲左幾倍，但都肯開口問已經係一大進步！！
有人拎到雪糕之後超級開心，一啖都唔比媽咪食，要自己慢慢品嘗（滴到成身都係 ）」
麥當勞免費雪糕攻略
只需符合兩個條件，小朋友就能獲得免費雪糕！
首先，這個優惠目前只限小朋友！
第二，家長可以留意當時的麥當勞分店是否有麥當勞姐姐在場。如果有麥當勞姐姐，她會主動向小朋友派發迷你新地，或者小朋友可以主動詢問。
只要跟麥當勞職員說「唔該，我想要一杯迷你雪糕」，就有機會獲得一個5cm高的迷你雪糕！
資料及圖片：
konghanbubu和joseowoobaby@ig丶洋桃媽媽 Meimay @fb丶caylie_cc@threads
