發佈時間：18:50 2026-02-24
香港演藝人協會今日（24日）在會長古天樂、副會長錢嘉樂及一眾理事會成員：周家怡、岑珈其、小肥、趙善恆、黃溢濠、麥子樂、岑樂怡、鄭文等率領下舉行2026年春茗茶聚，吸引逾百會員踴躍出席：「順嫂」梁葆貞、黃夏蕙、余慕蓮、羅蘭、馮素波、丁羽、劉江、程可為、吳浣儀、黃文標等現身支持，場面熱鬧墟冚。
錢嘉樂張繼聰任演協副會長
香港演藝人協會第十七屆理事會換屆大選已於去年底完成，古天樂連任會長，錢嘉樂、張繼聰任副會長，周家怡兼任秘書長及與岑樂怡擔任司庫，岑珈其、趙善恆成為理事，而徐智勇（小肥）、雷深如（J.Arie）、陳家樂、游學修、陳湛文、黃溢濠、鄭文、梁棨寧（咸旦）、麥子樂加入成為特邀理事。
古天樂致力維護演藝人權益
古天樂自上任香港演藝人協會會長後，一直與眾理事會成員致力維護演藝人權益，並積極進行各類慈善公益活動，包括：School Tour和老人中心探訪等。今年古天樂一如往年，在春茗茶聚期間向全場會員派發利是，亦向全場會員派發由福幼基金會贊助的福袋；而余安安、張繼聰、周家怡、張敬軒和岑樂怡亦有贊助現場禮品及抽獎禮物，令出席會員滿載而歸。
劉江多謝大家冇忘記自己
除了抽獎之外，席間亦頒發「傑出演藝大獎」，以表揚過去多年為演藝界貢獻良多的前輩藝人，今年分別由吳浣儀、程可為、劉江榮膺獎項。三人在古天樂及錢嘉樂手中接過獎項，期間吳浣儀、劉江不約而同表示自己是首次出席演藝人協會活動。
劉江說：「好多謝大家冇忘記我，自己唔習惯參加呢啲場合，性格比較內向，今日係第一次出席。平時喺TVB成日見到大家，感覺係理所當然，但原來唔喺TVB嘅話，要見面係好難，能見番大家好開心，多謝大會頒呢個獎，我覺得自己未有資格。」
吳浣儀跟程可為同獲獎
程可為領獎時，盡顯幽默風格說：「我最唔識講嘢，竟然要我講嘢！好開心呢個年紀、呢個記性仲可以出鏡演繹角色，回顧一生，我覺得𠵱家係最開心，捱到75歲仲有工作，真係想唔到，有健康、有靚嘅心情。感激上天俾智慧我，同埋俾個樣我喇，𠵱家都仲睇得吓啦！多謝大家！」而吳浣儀亦感謝會長古天樂及一眾理事，大讚他們非常有心。
羅蘭睇電視做運動保健康
此外，去年底離開TVB的羅蘭姐亦有到場，她精神飽滿，故有不少藝人上前跟她合照及拜年。問到羅蘭姐健康情況，她大方表示：「腳麻麻哋，如天氣潮濕會腳痛，新年都唔敢周圍去，驚多人。𠵱家冇拍嘢，會喺屋企唸吓天主經、聖母經，朋友會打嚟傾吓偈，電視有節目教人做運動，我每日都會跟住做大半個鐘㗎！」
延伸內容：古天樂搞新春聚會 唱情歌冧爆過百「古太」葉子楣、羅蘭現身湊熱鬧
延伸內容：《尋秦記》勢如破竹 揭古天樂秘布奇趣風水局 風生水起13年之謎
延伸內容：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
即睇：馬德鐘眼濕濕憶亡母：我好痛！ | 難忘當差亡命飛車追賊 | 肉搏朱茵真相 婚姻傳曾亮紅燈
立即追蹤《東周刊》全新WhatsApp頻道，緊貼全城熱話、突發猛料、獨家消息！
