更新時間：18:17 2026-02-23
發佈時間：18:17 2026-02-23
發佈時間：18:17 2026-02-23
古天樂近日忙於為主演電影《尋秦記》四出宣傳，但幾忙都好，都不忘「寵粉」，早前東姑同一煙班妹姊妹齊齊出席農曆年期間，古仔喺尖沙咀舉行「Koo's New Year Party 2026」粉絲新春聚會，同古仔拜個年，聚一聚，現場所見仲有古媽媽、葉子楣、羅蘭、吳麗珠、馮素波、吳君如媽媽、弟弟吳君祥同埋佘詩曼媽媽等到有出席聚會湊熱鬧。
同古媽媽齊齊為醒獅點睛
出名孝順的古仔當晚就同古媽媽齊齊為醒獅點睛，台下粉絲就High爆地大叫「老公」、「老公」，幾十個古太又送吻又派利是，古仔得到咁多愛，心情大好，就識做應多位古太要求大開金口，連唱《今期流行》、《天命最高》、《男朋友》同《像我這一種男人》四首經典金曲。古仔唱到《今期流行》時，竟然唔記得歌詞，要攞手機睇「貓紙」，非常搞笑！
落台同粉絲零距離接觸
當古仔唱《像我這一種男人》同《天命最高》時，更識做地落台同粉絲零距離接觸，逐一握手致謝。古仔感性地表示：「我好開心可以同大家見面，我亦都係每個人親手同佢哋握過一次手，我覺得比錢更緊要，因為我會記住你哋每一個人，新年快樂！」冧到古太們眼濕濕。
最Hit
