發佈時間：17:02 2026-10-19
在「心跳電話亭」環節中，阮嘉敏竟然爆冷放棄東東，改選一直默默守護她的譚梓樂（Hepter）作為互動對象！突如其來的抉擇不僅令全場震驚，更讓被留置一旁的東東當場忍不住爆喊，相當心酸。
阮嘉敏解釋選擇Hepter因由
阮嘉敏也眼濕濕地解釋選擇Hepter的因由，提及先前在摺衫環節中錯選丁標，讓自己內疚，因此提醒自己必須真正跟隨內心。她向一旁的東東致歉：「我上一段戀愛真係諗住結婚嘅，所以我參加呢個節目，我唔想再戀愛腦。」 看著東東聽到心碎落淚、眼眶泛紅，阮嘉敏急忙安慰：「不要哭。我想揀個合適嘅，想試吓同佢認識多啲⋯⋯咁樣都對你公平，因為你可能都希望我選擇你，係深思熟慮諗過，但我冇覺得你唔好。」而獲選的 Hepter 亦展現極大紳士風度，即時拍肩膀並遞紙巾安慰情緒低落的東東。
Hepter深情留言 分享愛情觀
而突然得到女神寵幸的Hepter就上載了幾張和女神於「心跳電話亭」互動的浪漫照片上載到社交網站，同大家分享，並深情地留言：「老實講，當時嘅我係完全冇諗過你會揀我。嗰一刻我真係成個人呆咗，睇返鏡頭都見到我有幾驚訝。畢竟東東咁優秀，我呢個咁平凡嘅人，要吸引到你嘅注意真係好唔容易～
我一直都知道你鍾意公仔，亦都記得你鍾意食格仔餅，所以一見到呢個鎖匙扣，我係諗都唔使諗就直接俾錢。估唔到嘅係，原來我哋嘅偏好咁似，都一樣鍾意啲可以keep到好耐嘅禮物。希望你會鍾意我為你準備嘅呢份生日禮物，可以感受到份禮物背後嘅心意同埋我對你嘅祝福 🧇
我嘅戀愛觀一直都好簡單，就係持續嘅陪伴同互相支持。所以嗰日知道你趕時間化妝，冇時間食飯，我就只係想幫你分一分啲雞髀肉，等你忙住化妝都可以食到少少。我真係冇諗過呢個舉動會令你諗起哥哥。聽到你咁講我係開心嘅，但見到你想喊嗰一下，我又心痛影響咗你情緒。總之應承你，往後無論係雞髀、鵝髀定鴨髀，全部交晒俾我，我可以🍴
但話說睇返自己個心跳值，先發現應該跳得冇對手們咁快，嗚嗚，my bad ☹️
東東，最後還想跟你說一聲謝謝。雖然我們從一開始就是對手，但是你一直都保持著風度和氣量，這一點我是打從心底裏佩服的。在你身上我學到了很多，也看到了自己還有很多不足。後續，我們就跟往常一樣，各自拼盡全力，堂堂正正地去追求我們自己心裏的女神，公平競爭，只求無悔。」Hepter的留言即時觸動網友們的心，紛紛留言支持他，鼓勵他想愛就愛，全力以赴，追女神返嚟！
延伸內容 : 女神配對計劃2｜阮嘉敏爆冷拒絕「長跑型癡心男」東東 轉投「行走便利店暖男」Hepter
延伸內容︰女神配對計劃2｜吳旭東為阮嘉敏勇敢行第一步 「一句說話」冧爆女神！
延伸內容︰《女神配對計劃2》阮嘉敏獲霸總吳旭東飛撲搶櫈 冧爆心動：好Man呀
