更新時間：13:04 2026-02-11
發佈時間：13:04 2026-02-11
發佈時間：13:04 2026-02-11
要同鹹魚有分別，記得無時無刻都要有夢想。《GOAT級神射手》（GOAT）入面嘅小山羊阿韋，正正就係例子。雖然外形細細粒，但目標卻想稱霸巨獸天下嘅咆哮球聯賽，捧走金爪盃，光宗耀祖。
黑豹阿捷、長頸鹿蘭尼、鴕鳥奧莉花布克、犀牛艾池同巨蜥莫多，同阿韋拍住上組隊打波，究竟係神隊友定豬隊友？要入場先知，但肯定嘅係，成件事好熱血，好似細個睇《足球小將》、《男兒當入樽》咁呀！
咆哮球？變奏版籃球
大家可能會問，咆哮球係乜？其實係一種男女混合、強度更高嘅變奏版籃球，糅合足球、美式足球同冰上曲棍球元素，由地球上最快、最兇猛嘅動物運動員參與，喺設有各種自然障礙嘅場地上爭取得分。如果贏得金爪盃，會被視為成就解鎖，得到最高榮譽。
NBA球星史提芬居里聲演
《GOAT級神射手》由NBA球星史提芬居里（Stephen Curry）首次跨界監製，仲親自聲演骨子裏熱愛音樂，卻走去打咆哮球嘅長頸鹿蘭尼。「我對套戲好有共鳴，因為我曾經好似阿韋咁被忽視同低估，但過程中漸漸重拾自信，呢啲就係團隊嘅力量，故事同每個人都息息相關。」
小山羊睇籃球立下志願
電影中嘅小山羊阿韋，因為跟媽咪入場睇過波，而立下做咆哮球選手嘅志願。面對跟對手體形嘅差異、比賽節奏同場地地形嘅挑戰，咆哮球賽事對佢嚟講，毫無疑問係危險運動，但有阿媽鼓勵追夢，自然心口掛個勇字。
導演Tyree Dillihay話：「阿韋代表年輕一代，雖然眼前冇一條明確通往目標嘅路，但佢渴望成功，充滿熱情又固執，披上勇氣同力量嘅盔甲，我好欣賞佢呢一點。」
上映日期：2月12日
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
