更新時間：15:06 2025-12-09
發佈時間：15:06 2025-12-09
發佈時間：15:06 2025-12-09
劉穎鏇（Tiffany）日前出席始創中心「聖誕禮物大派對」主題活動，她在商場四圍打卡，工作之餘又趁機Shopping揀聖誕禮物。雖然她近日的工作排得密密麻麻，但提起聖誕節，她就一臉雀躍，並希望返LA陪家人一齊過，並最想收到追求者的手作禮物，她笑言一定會加分。
劉穎鏇聖誕願望
Tiffany坦言：「我個目標主要係希望聖誕可以返到去LA（洛杉磯）嗰邊陪屋企人過囉，但我係未買機票嘅，因為始終做嘢為主，希望一有空檔就可以即刻走。」她還透露每年聖誕都好渴望能與家人度過，全家人一齊食飯、傾偈，感覺好 Warm。
最愛收手工禮物
講到聖誕送禮，Tiffany笑指自己好幸運，因家人無互送禮物的習慣，幫她慳唔少：「我試過想送禮物俾父母，但佢哋樣樣都話唔想要。（收過最Sweet嘅禮物係乜？）Fans 送嘅手作最Sweet，佢哋會集齊我好多相整成相簿，呢啲要花時間做嘅嘢最有意義。（有冇追求者送過？）又好似冇，（送手作會加分？）都會嘅。」
《飛常日誌II》埋尾
問劉穎鏇家人有催她拍拖和結婚嗎？Tiffany笑言家人作風好洋化、好Chill，不會被「逼供」終身大事：「又冇喎！佢哋反而成日問我喺香港做緊乜、拍緊咩劇或者綜藝節目，想了解我嘅工作多啲！」Tiffany預告《飛常日誌II》將於12月拍畢，之後有機會開拍全新綜藝節目。
自爆是「宅女」一名
Tiffany還自爆是「宅女」一名，平時好少主動出街，最鍾意留在家：「同朋友出街食飯都會嘅，如果被Fans認出，都會大方影相同簽名，不過如果太素顏可能就會戴返個口罩遮遮，費事嚇親人啦！」
延伸內容：劉穎鏇、郭柏妍組「查案女團Double C」「橙色女僕水著」造型巧吸睛 !
《東周網》訪談系列節目《星桄伴我心》12月重磅嘉賓：
即睇：「海馬」老闆鄔友正因翁嘉穗重病痛哭 妙論太太係老虎乸 徙置區小子創富路
即睇：佘詩曼公開美魔女育成秘笈 感傷最後道別許紹雄 驚險慈母心臟停頓20秒
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
