發佈時間：19:14 2025-10-27
創業5年的香港YouTube頻道《試當真》在今年4月1日愚人節宣布，將於今年10月26日即頻道5周年當天停止運作，《試當真》於其社交媒體facebook及IG帳號發文稱「為貫徹本台風格，選擇在四月一日宣佈，也算是一種玩笑，但以下內容並非惡作劇。」他們表示經過多番考慮和認真討論，YouTube頻道《試當真》決定將於2025年10月26日五週年停止運作，並會在未來半年作最後衝刺，好好享受認真創作，歡迎廣告客戶作最後支持。
試當真停播︱豪哥以一曲〈我的快樂時代〉作結
昨日(10月26日)《試當真》正式告別，三位元祖藝人包括游學修、蘇致豪（豪哥）、許賢舉行告別直播，齊集台前幕後一眾成員，與大家告別。直播中，大家都分別發言，當中創辦人之一豪哥（蘇致豪）更忍不住泣別地表示：「臨執笠前嗰兩個月請咗假，好複雜，太複雜，世界太複雜……一定係好愛先至會咁複雜。唔知點解個愛會變成咗單單打打、憎恨，又會愛返，我處理唔到。阿修問個instant係咪執咗好啲？大家都覺得係，所以就有呢個決定。好多謝咁多位同事。」不少同事都因豪哥的感言而感觸落淚。最後豪哥以一曲〈我的快樂時代〉作結。
試當真停播︱Ellen搶咪質問游學修
《試當真》三巨頭游學修、蘇致豪、許賢外，陳苡臻（Jessica）、陳穎欣（Yanny）、倪安慈、岑珈其、潘宗孝（Ernest）、林家熙（Locker）都分別在鏡頭前講感受。當輪到林家熙（Locker）發言時，許賢緋聞女友兼編導盧嘉誼（Ellen）突然「搶咪」直接問游學修，問他之前在直播所「批評」的人是否指自己，於是游學修解釋只是趕進度開玩笑，沒有針對任何人。
Ellen又爆指自己曾多次私下與游學修溝通，甚至於過發千字文訴心聲，但最終都未能獲得對方較理想的回應，她更坦言不滿游學修在過往一些訪問及「白金像獎」等公開場合上表達對同事的不滿，認為此舉令她和其他同事感到難受：「阿修，唔好成日係公海度話啲同事啦。」她直斥游學修如果覺得同事做得不好，可以先同同事講先，不用要公開去話同事的不是。
Ellen又話回顧過去4年幾，自己唔知做過甚麼事，她說：「我做過啲乜嘢，所謂反抗你呢？反抗公司？我真係諗唔到喎，即係可能我蠢啦，或者我善忘，我性格唔好或者點樣，我唔記得咗自己做咗啲壞事，我覺得如果你願意你係想鬧我，唔緊要，你咪講囉......」她更一度哽咽表示，自己也不明白為何都到了頻道最後一天才能直接討論問題。
試當真停播︱游學修被爆後向所有同事道歉
Ellen抒發感受期間，游學修完全沒有插口，隨即更當眾向所有同事道歉，承認自己作為老闆有些事情處理得不夠好，並承諾日後會努力與大家解開心結，Ellen聽完後亦有跟游學修說對不起。之後，游學修和Ellen冰釋前嫌合照，於照片中二人豎起中指作風搞鬼。林家熙（Locker）事後發帖表示：「如果有睇live嘅觀眾，我相信你都係鍾意試當真嘅！而如果你係愛試當真嘅 ，希望你哋唔好再講Ellen點阿修點，不如試吓放低一時嘅情緒或者批判 ，俾大家休息吓，既然都完咗，唔好再俾壓力任何人，愛大家！」
延伸內容 : 試當真停播︱游學修被不滿編導Ellen公開對質 蘇致豪崩潰爆喊哭訴 多得倪安慈醒目化解
延伸內容 : 游學修公開同「世一女神」相戀 許賢被「阿嫂」當隱形
