黃智雯孖李思捷「兄妹檔」加國開騷賣力跳唱 喜見黃淑儀捧場開心擁抱

黃智雯孖李思捷「兄妹檔」加國開騷賣力跳唱 喜見黃淑儀捧場開心擁抱

更新時間:15:56 2025-10-16
發佈時間:15:56 2025-10-16

黃智雯(Mandy)與李思捷的《今晚睇李思捷加黃智雯一個因慈善演唱會2025》,日前在加拿大溫哥華列治文河石劇院舉行。黃智雯相隔10年再度與李思捷合作,這更是他們首次在音樂領域上同台演出,所以叫座力十足,吸引不少當地華僑捧場,其中前輩級人馬「Gigi姐」黃淑儀亦驚喜現身支持,令黃智雯受寵若驚,感動不已。

黃智雯為舞衣節食健身

演唱會上,黃智雯獻唱多首歌曲之餘,勁跳熱舞,先後演繹《隆重登場》和《另眼相看》,她直言:「為咗今次演出,事前都有練歌同排舞,同埋因為今次要勁歌熱舞,件跳舞衫又有少少性感,所以為咗件衫,呢兩個月除咗有Keep住健身做運動,我都有刻意節食,唔食最愛嘅零食同雪糕,務求以最佳狀態示人。」

分享與李思捷合作點滴

黃智雯除了獨唱,更首度與李思捷合唱《來夜方長》與《陪著你走》,令觀眾大叫Encore,黃智雯表示:「初出道就同思捷合作《老婆大人II》,飾演佢嘅女朋友,當時我係一個新人,新到不得了,而佢又係一位前輩、又鍾意玩,當時同佢合作心情係戰戰兢兢,到第二次合作係《超能老豆》,思捷可以話係睇住我成長。」

李思捷稱跟黃智雯似兄妹

至於在音樂舞台上,就是兩人的第一次合作,黃智雯續說:「同思捷合唱好開心,佢好專業,又好有台風。」李思捷則表示跟黃智雯合作感覺儼如兩兄妹:「咁多年嚟,都知Mandy跳舞叻,係個全能藝人,但估唔到我哋兩個把聲黐埋一齊都幾夾,聽落好舒服,同聲同氣,幾有默契!」

喜見黃淑儀捧場開心擁抱

對於今次演唱會,黃智雯表示很有意義,除了可以幫兒童醫院籌款,亦可以重臨舊地,與昔日的「戰友」及前輩見面。當她見到「Gigi姐」黃淑儀到場時,更是受寵若驚,她說:「對上一次嚟呢個舞台,已經係12年前嘅事,再嚟番呢個地方同見番之前合作過嘅工作人員,所以內心有啲激動同感動,特別見到前輩Gigi姐,我同佢合作過好幾次,佢仲飾演過我媽咪,可以話係見證住我唔同階段嘅成長,所以當我見到佢,真係忍唔住第一時間要同佢擁抱。」

延伸內容:黃智雯升呢人妻後首度大解放 為拍廣告逼老公無飽飯食 「胡說八道會」不信她日日做一樣嘢

延伸內容:黃智雯肚凸凸孕味濃 住千萬豪宅養生準備做阿媽

延伸內容:黃智雯肚凸凸孕味濃 秘住千萬豪宅養尊處優


《東周網》訪談系列節目《星桄伴我心》10月重磅嘉賓:
即睇:湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事

立即追蹤《東周刊》全新WhatsApp頻道,緊貼全城熱話、突發猛料、獨家消息!