發佈時間：18:41 2025-10-16
香港城市大學一名女學生近日在社交媒體Threads發文，講述獨自到食堂吃飯時的爭位遭遇。她指當時點餐後，便將袋放在椅子上，然後去取餐，但來回僅1分鐘時間，座位便被兩名內地人霸佔。帖子引發網民熱議，一場食堂爭位戰，隨即掀起了兩地文化戰！
該名女學生在帖文中指，當日她在食堂找到座位後，將隨身的袋子放在椅子上，並掃描二維碼點餐，隨後離開座位前往取餐。惟相隔1分鐘後回到座位時，卻發現已被兩名內地人佔用。她指對方態度囂張，聲稱「個位冇寫你名」，又指「唔可以用啲袋嚟霸住個位」，反要求她另覓座位。在職員介入無果後，她唯有尋找另一個座位用餐。
她表示，大學食堂不設送餐服務，學生需自行取餐，短暫離開座位是常見做法。她對事件感到十分憤慨，直斥對方「人無恥便無敵」。
事件吸引不少網民議論，當中有人批評樓用隨身物品佔位的做法：「你攞個袋霸位其實都no good，打和！」「用個袋霸位？人無恥便無敵。」但隨即引來其他網民反駁：「話樓主用袋霸位唔啱個啲係咪有病？樓主並唔係霸位，而只係出去攞餐。你去快餐店叫完嘢食要等，都會去搵個位坐低、放低袋，到叫號碼先出去拎餐啦，我就唔信你成世人係香港未試過咁做。」
另有人指：「話樓主唔啱嗰啲，想知你哋一個人食food court通常係點？講緊繁忙時段。」「搵到位之後唔使出去拎嘢食㗎，唔通返嚟坐喺地下食咩？」「話放個袋係度唔可以霸位嗰啲，真心唔係香港人。」
網民斥：唔肯融入香港文化！
大部分網民都認同，在餐廳內將背包放在座位上，代表「座位有人，暫時離開」，這是香港約定俗成的習慣：「我哋香港人會有個共識知道人哋去攞嘢食，唔會去坐人哋張枱。」「本土長大的比較講道理些，如果有人在坐位或枱上放置物品，一般不會佔據他人坐位，明白別人可能去取餐或去洗手間。」「無錯，呢個唔係法例，亦唔係必須，但呢個係香港文化。擅自拎起別人物品，可作企圖或意圖偷竊喎！」
有人更斥責兩名涉事內地人：「唔肯融入香港文化！」「香港地好多人都自己食飯，見到人放低左袋都醒目搵過第二個位，係呀係無規定放左袋唔俾坐，因為根本唔駛規定係禮貌，佢地完全唔明白。」
來源：Threads
立即追蹤《東周刊》全新WhatsApp頻道，緊貼全城熱話、突發猛料、獨家消息！
