更新時間：10:00 2025-10-18
發佈時間：10:00 2025-10-18
發佈時間：10:00 2025-10-18
向來是非多多的林作，早前在網上作出招募，組成了一隊名為「作女郎」的足球啦啦隊，4位成員包括：梁梓瑜（Fish）、祉瑩（Natalie）、淳欽（Coca）及廖可兒（Venus）。第一次與大家見面的時候，林作都講明她們是自動送上門，隊長Fish亦坦言：「佢（林作）講得冇錯，我哋係好欣賞林作嘅才華，所以我哋就自薦，同埋點解我哋要埋林作身，好簡單4個字，就係要紅！」
沒有薪酬
而林作就話有女送上門，當然有殺錯冇放過，他不諱言：「多啲嚟密啲手，今次我組成嘅『作女郎』啦啦隊，除左為我嘅業餘足球隊打氣之外。其實，我仲希望組成香港版嘅BLACKPINK。」一開始，林作已經先小人後君子，與4位成員講到明，她們是沒有任何薪酬的。
火藥味濃
不過這個世界很現實：「No money no talk!」隊長Fish帶頭鬧爆林作說：「講真嗰句，你要我哋幫手拍咁多嘢，嘢就我哋做晒，錢就你收晒！好似之前拍咗一輯酒嘅宣傳短片，我哋又要錫你又要扮飲，但係冇錢收不特止，連送支酒俾我哋都冇。我哋未有你之前，自己出邊拍廣告都有錢收啦！」
林作反駁說：「你哋揀得我，都係因為我紅啫，你哋唔係想靠我出位咩？仲要問我收酬勞？一開始嘅時候已經同你哋講冇錢收㗎啦！好似今日做專訪，都係我帶挈你哋，點知4個人有兩個遲到，你哋點做嘢㗎？仲諗住問我攞錢？」你一言我一語，火藥味甚濃！
4個女人已經勁過一個墟，再加多一個惹火男，大家日後大把花生剝。
延伸內容：林作率「作女郎」現身做啦啦隊 希望揾「氣球姐」合作鬧對家
《東周網》訪談系列節目《星桄伴我心》10月重磅嘉賓：
即睇：湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
