發佈時間：14:40 2025-10-02
由蔣怡（Coco）主持，聯同名廚張錦祥（Ricky）及余健志（Jacky）擔任主評判的HOY TV節目《領廚爭霸戰》日前圓滿結束，最終由劉欣婷（Owen）奪得冠軍，而伍富橋太太梁兆楹（Shirley）則獲亞軍及「最強人氣廚神」獎項。賽後卻因節目嘉賓樂翊榆（Annalise）的言論，引發一場網絡風波。
樂翊榆稱以為《領廚》內定獎項
事緣決賽播出前，製作團隊安排四強參賽者與曾參與節目的嘉賓到街市進行宣傳。樂翊榆在受訪時談及賽果表示：「我本身係諗住Shirley贏，因為佢同大家熟，會唔會內定呢？點知原來HOY TV係咁公平喎。」其後她更在社交平台轉發相關片段，並留言寫道：「自己講完都覺得好笑。」
此舉引發梁兆楹不滿開直播反擊
此舉引發梁兆楹不滿，她先於社交平台反擊：「其實你咁有意見，不如返去叫你嘅電視台公開票數睇睇。」隨後更在IG開設直播，情緒激動至一度落淚。她在直播中直言：「如果我想課金，都唔會課一個豬肉獎俾自己，或者會直接買個冠軍。呢句話可能你覺得好笑，但對我嚟講係極大侮辱。過去5個月，我不斷練習、研究食譜，全程親力親為。如果對獎項有異議，我可以唔要啲獎金，甚至還番個獎，因為呢個並唔係我未來職業發展嘅方向。」
梁兆楹指樂翊榆打狗要睇主人
梁兆楹強調比賽絕對公平公正，並指出：「我唔能夠若無其事，咁樣會侮辱其他參賽者。若有任何不滿，應該直接私訊我，而唔係喺背後做啲小動作。我必須維護自己同其他人的努力。」她更直言：「呢個live真係失禮咗少少，但我真係忍唔到，做人都係唔可以太友善，可能要mean返少少，打狗要睇主人，你今次真係惹錯人，我諗你真係好清楚你自己係邊個。」
梁兆楹私訊回覆學識「道歉」點寫
事後樂翊榆透過私訊梁兆楹解釋，指其言論實為自嘲過去在電視台遭遇的不公平待遇，並稱記者經常扭曲其言詞挑撥離間。梁兆楹則回覆表示：「你要解釋嘅對象唔應該係我，而係整個比賽嘅台前幕後同參賽者。你嘅言論已經抹殺眾人嘅努力，亦質疑評判同主持嘅公信力。」她更直言：「希望你學識『道歉』兩個字點寫，而唔係繼續推卸責任。」
《領廚爭霸戰》監製表示已接獲投訴
而《領廚爭霸戰》監製張志明回應事件時表示，已接獲梁兆楹投訴，相信屬言語誤會，並強調比賽絕對公平。他讚賞梁兆楹以素人身分參賽表現出色，更透露正計劃與她合作拍攝美食節目。
強調公開事件只希望樂翊榆道歉
梁兆楹其後接受訪時稱，最初對樂翊榆的「內定」說法僅一笑置之，但看到其後續留言便無法接受。她表示參賽本為盡力而為，獲得亞軍心服口服，但樂翊榆的質疑不僅傷害了她，更侮辱了整個製作團隊與專業評審。她強調公開事件只希望對方道歉，無奈對方始終諸多藉口，令人失望。
延伸內容：樂翊榆選《環球小姐》殺入16強突然退選 自爆選美內幕
延伸內容：伍富橋太太梁兆楹回應網民抨擊 梁父曾侮辱老公是「鴨」喊住話對唔住老公一樣嘢
《東周網》訪談系列節目《星桄伴我心》9月重磅嘉賓：
即睇：羅毓儀淚眼訴說4段情 冧數林俊其出「七連招」追求 甜蜜剖白：我想出年結婚！
即睇：鄭子誠感動細訴與劉倩怡「手指公」情緣 爆因黃夏蕙變奸 因陳百強變成偷渡客
立即追蹤《東周刊》全新WhatsApp頻道，緊貼全城熱話、突發猛料、獨家消息！
