發佈時間：17:43 2025-09-29
今年7月，在TVB的戀愛綜藝真人騷《女神配對計劃》開始之時，Babyface雖然慘食梁敏巧檸檬，未能同女神試下配對，但未幾Babyface就極速展開一段新戀情。《東周網》就拍到Babyface與貌似黃美棋的200萬直播主妮娜（Nina）在圓方拍拖；期間，二人在暗角又攬又錫，旁若無人，Babyface一臉幸福。
日前，Babyface以嘉賓身分出席《如何追女神計劃》，席間他和關係教練Coach John及活動司儀陳懿霏Faye在台上分享自己對同異性相處和溝女的心得。雖然Babyface身在台上教人追女神，但就見全程心不在焉、流露出一副無奈的表情，與早前和妮娜（Nina）蜜運時，上節目接受訪問時的感覺簡直判若兩人。
東姑見到Babyface全程頭耷耷、眼濕濕，一副受盡情傷咁嘅款示人，都有啲擔心佢嘅情況，於是在活動完畢後，就主動去關心同安慰一下Babyface，東姑問Babyface跟妮娜（Nina）的感情問題時，Babyface就話：「係呀！我哋的確係已經分手，不過我哋都可以做返普通朋友，我自己都會有新方向。」Babyface更強調自己已經諗遘咗把戀情放下，重新出發，叫大家不用擔心佢。
而同場的鍾雨璇被問到知唔知Babyface受情傷一事，鍾雨璇就話：「都知，佢係一個好男人又係靚仔，相信佢會好多女仔喜歡佢。」
延伸內容 : Babyface新歡叫Nina 係200萬直播主兼數字易經導師
延伸內容：直擊Babyface啜爆新歡 爆梁敏巧孖「Benz壯男」同返香閨
延伸內容：睇完樓盤撐完枱腳 Babyface孖住阿儀探訪長者派禦寒物資送暖
延伸內容 : Babyface200萬直播主女友Nina收男狂迷全裸露械相嚇親 凌晨報警求助
Babyface 年31歲拍４次拖
Babyface因為接受《呃錢》訪問講述疑遭婚介公司詐騙兩萬多元的自信港男「baby face」黃生，因在節目中道出「我有baby face，點會冇market？」名言後爆紅，Babyface會令人覺得是個大情聖甚或「大把女」，但事實上，現年31歲的Babyface過去，連同200萬直播主妮娜（Nina）就只得4次戀愛經驗。
Babyface曾指自己的初戀發生在中學時期，當時流行在網上論壇交友，其間他與一位女網友相當投契，直言因為做了一事令對方感動而願意約見面。「就係每朝打俾佢叫佢起身，佢覺得呢個人信得過，咪出嚟見面囉，之後開始拍拖，去到大學嗰陣，大家個距離遠咗，之後自自然然散咗。」他形容這位初戀女友屬眼大大的可愛型女生。
Babyface的第二段戀情卻與初戀的時間相隔甚遠，一轉眼，第二段戀愛已在進入職場後開始。「追呢個（女朋友）好簡單，就係展露能夠幫助佢嘅特質，係喺書舖認識佢嘅，見有機會咪問佢攞contact囉。」至於第三段戀情，Baby face則表示是因為自己工作繁忙而分手，至於第四段戀情就是和妮娜（Nina）。
Babyface、妮娜社交網站宣布分手
早前Babyface在社交網站拍片尋人，他一臉愁容地話：「我真係唔明囉？點解我次次打畀你，或者WhatsApp你，你都好難覆返我機，但人哋揾你，你又好易覆返人哋， 永遠係得你揾我，我就揾你唔到嘅，唉！」雖然Babyface當時未有開名，但已經有不少人留言問他是不是和女友妮娜（Nina）出現問題，之後就見Babyface和妮娜（Nina）分別留言交代分手一事，戀情來得快、去得快，希望屢受情傷的Babyface可以早啲揾到真女神陪伴佢走進人生另一階段啦！
