發佈時間：14:33 2025-09-18
《俠醫》於昨晚（9月17日）一集，飾演阿Nat的劉佩玥又嚟料，為咗令陳豪關心，施展「淋冰水＋狂吹冷風」苦肉計整病自己。雖然阿Nat破釜沉舟，惜求醫期間竟遇着Rachel忽然暈倒入院，為民無視阿Nat苦苦哀求直奔醫院…大受刺激的Nat，最終踩上醫院鬧爆Rachel之餘，更摑了Rachel一巴兼瘋狂扯她頭髮，幸好為民及時趕到阻止！
阿Moon爭仔拋經典金句
昨晚阿Nat鬧爆Rachel場口不乏金句，包括：「就係你呢個死人樣，氹到阿民瘟瘟沌沌，我見到你就覺得好噁心」、「根本你一開始就吼住老闆娘呢個位」、「點解你每一次都要夾喺我同佢中間阻頭阻勢呀」、「點解你咩都冇做就可以乜都有，點解我咩都做晒我就乜都冇呀」，最後被正式拒愛的阿Nat，更流著淚狠狠的對為民說：「你唔揀我嘅話，你一定會後悔…」
張曦雯被Moon摑面
談到被摑場口，張曦雯Kelly接受訪問時透露是觀眾見到的是重拍片段，並謂為了拍攝效果，一早已與Moon商議好要真摑：「因為嗰場係重拍，所以Moon係摑咗我好多次架喇，哈哈！其實拍呢啲戲寧願對手大大力打落嚟，一吓唔使NG仲好，因為唔使驚就位同反應唔夠真實。我同Moon今次合作好開心呀，因為大家咩都會好open去傾，嗰日拍完摑戲，我哋一cut機又嘻嘻哈哈。」
至於淋冰水場口，阿Moon坦言拍攝時確是很凍，並感激導演Patrick貼心安排：「因為要拍好多角度同wide shot，導演有好好安排拍攝次序，等我捱凍時間縮到最少。因為我哋拍攝嘅地方喺廠入邊，所以個廁所係假嘅，沖涼間嗰個去水嘅位都係假嘅，啲冰水其實一路浸住我對腳」、 「佢哋為咗我唔好捱咁耐凍，我見到佢哋用最短時間去轉機位；仲有因為廠入面好凍，所以我一淋完凍水，佢哋即刻攞住毛巾衝過嚟幫我，又準備咗熱水畀我。所以雖然真係好凍，但有多人咁錫我，我心入邊係好暖嘅。」
張曦雯「零包袱表情包」勁討喜
在《俠醫》中以前所未有爛撻撻兼不顧儀態姿態出現的Kelly，每一集都肩負起搞笑重任。昨晚除了敦起個款巡視合作藥房、向阿東發爛渣及對著阿Moon反眼的場口均相當搞笑，「零包袱表情包」數之不盡；Kelly就此大拋專業bite表示，她拍劇向來不會著重「靚唔靚」：「我係好冇包袱咁做呢個角色嘅，其實我不嬲冇理靚唔靚，只係呢個角色畀我更加發揮到不顧包袱呢樣嘢。」
黑絲行政Look現身晒長腿
另外，昨晚其中一場，身穿黑絲的Kelly，在醫館裏爬高擺放藥油時，突顯了黑絲美腿之餘、還將美好S身形表露無遺；配以看至眼甘甘的馬貫東、彭懷安，以及無厘頭伸個頭出來阻止二人再望的陳豪，喜感十足。對此Kelly透露黑絲Look是她在《俠醫》其中一個重點造型，並透露爬上樓梯晒美腿動作相當高難度：「因為又要擒上梯、又要趷Pat、對腳又要擺得好靚咁，係好高難度架。」
拍自摸檢查乳房戲最驚走光
為了《俠醫》全面放下女神包袱的Kelly，昨晚因角色Rachel懷疑自己患了乳癌，不時忍不住「自摸」檢查，就連陳豪站在附近亦毫不忌諱，相當豁出去。不過Kelly受訪時坦言自己拍攝時「最驚走光」，並感激監製及導演不斷與她商量最舒服的拍攝角度及狀態：「佢哋有同我傾我嘅底線。」
延伸內容 : 俠醫｜同陳豪、劉佩玥鬥波超吸睛 鄧美欣獲讚球技一流 愛晒長腿派福利！
延伸內容 : 俠醫│網民勁Buy劉佩玥做綠茶婊 冧完老豆嗒個仔 大玩「重口味」！
延伸內容 : 俠醫│陳豪：我幫你揸住個波先 蝦碌片曝光 笑到「紅都臉晒」
《東周網》訪談系列節目《星桄伴我心》9月重磅嘉賓：
即睇：羅毓儀淚眼訴說4段情 冧數林俊其出「七連招」追求 甜蜜剖白：我想出年結婚！
