發佈時間：16:50 2025-09-04
黃智雯（Mandy）日前為代言美容品牌性感上陣拍廣告，低胸露背兼晒腿，大騷完美體態。Mandy笑言今次是她婚後首次「大解放」，為了以最佳狀態示人，事前做足準備，老公詹文天（Anthony）更陪她一齊「清潔飲食」，實行整整一個月都冇飽飯食，她笑言自己成功Keep Fit，但老公冇瘦到因一個原因。
演舞台劇壓力大急調整身心
黃智雯早前完成舞台劇《薄伽梵歌》後，隨即為代言美容品牌拍攝廣告。Mandy直言演舞台劇壓力非常大，徹夜難眠，所以為拍廣告，首先要調整身心，她續說：「做舞台劇時已經瘦咗7、8磅，完咗舞台劇後，知道要接住拍廣告，即刻調整身心，首先係要瞓番多啲，因為演舞台劇時壓力太大，有啲失眠；另外喺體態上亦要做足準備，例如護膚、飲食上更要食得乾淨啲，意思係少糖、少油、少鹽。」
大爆老公陪食清淡不減磅
皆因黃智雯今次拍廣告要以兩個性感造型登場，她稱絕對是已為人妻後首次「大解放」：「剛才拍攝，有幾個鏡頭令我諗起影婚紗相，因為白色裙又有紗，好有着婚紗嘅感覺。今次冇特別同老公講有幾性感，不嬲佢都唔會過問我嘅工作，最緊要性感得嚟健康；佢淨係知我要演舞台劇同拍廣告，知我要Keep Fit，所以陪我一齊進行『清潔飲食』，等我食得健康啲，例如食蛋、食雞胸肉，不過佢就冇瘦到，因為佢夜晚會去偷食零食。」
指「胡說八道會」不信任她？
提到性感上陣，Mandy直言最滿意自己個背脊，她自豪說：「個個人見過我背脊都話靚，因為冇暗瘡喎。其實我每星期都有做磨砂，好好護理背脊，反而前面（胸）夠就可以，自己比較喜歡骨感。」
此外，貪靚的Mandy亦自封美容達人：「可能因為媽媽從事美容行業多年，所以自小已經畀佢灌輸好多護膚心得，到𠵱家無論幾忙都好，我都會日日敷Mask，但唔知點解我啲Girl Friends『胡說八道會』（姚子羚、胡定欣、李施嬅、胡杏兒、胡蓓蔚），竟然唔信我日日敷面膜，但佢哋同我出Trip後，就知道我真係每日都做。」
延伸內容：「胡說八道會」胡杏兒黃智雯胡蓓蔚已婚 胡定欣姚子羚蜜運中 得番李施嬅做單身貴族
《東周網》訪談系列節目《星桄伴我心》8月重磅嘉賓：
即睇：譚輝智親解拉姑寵愛之謎 爆喊陪最愛開刀「望住手術室盞燈，我真係好驚！」
即睇：楊思琦破天荒講跳水前度吳帥：「好多人話我貪慕虛榮！」 親揭神秘老公底細 收$1200傾偈5分鐘解謎 與13歲女兒獨家真情對話
即睇：譚俊彥大爆與李佳芯電話傾心事內容│太太放棄演藝事業下嫁│親解爸爸狄龍與姜大衛不和謎團
