更新時間：17:06 2025-08-05
發佈時間：17:06 2025-08-05
發佈時間：17:06 2025-08-05
關智斌（Kenny）等足6年，終於再開騷《The Endless Adventure Live in Hong Kong》，這次個人演唱會選址啟德體藝館，並將於9月26及27日一連兩日舉行。Kenny自爆拍攝海報時全場焦點都落在他的胸肌上，他笑言：「成個團隊對住我波罅影相，好彩我有操開！」連AK@MIRROR見到海報都忍唔住留言：「收返埋個八字，唔好亂咁俾人睇！」
演唱會以「小飛俠Peter Pan」為概念
這次演唱會以「小飛俠Peter Pan」為概念，Kenny表示：「細個已經好鍾意睇呢套卡通片，不過今次我唔係扮Peter Pan，而係用冒險島嘅精神，講成長嘅矛盾同掙扎。」而海報造型則暗藏玄機，綠色撕裂衫的一邊代表Peter Pan，另一邊就似邪惡船長Captain Hook，他解釋:「好似正義同邪惡喺我身上開戰，打到衫都撕爛埋。」
Kenny操得Fit胸肌任影唔嬲
提到件衫咁性感，Kenny即鬼馬說：「為咗賣飛吖嘛！點都露少少啦！」他又笑言：「希望咁樣可以幫到百幾二百張飛啦，咁就功德無量喇。」而Kenny近排真的操得好Fit，除了為開演唱會，亦因為早前要參加健身比賽，隨後他大爆拍攝海報的趣事，他說：「因為件衫開胸，成個團隊無論目光定相機，全部都對住我波罅，好彩我有操開，都見得吓人，唔使尷尬！」
圈中好友紛紛留言支持開騷
不少網民都將焦點落在Kenny張海報上的「暴乳」，連AK@MIRROR都忍唔住留言：「收返埋個八字，唔好亂咁俾人睇！」DJ梁文禮則搞笑話：「豪乳警報！」英皇一班兄弟姊妹如謝霆鋒、容祖兒（Joey）、阿Sa蔡卓妍、阿嬌鍾欣潼、李幸倪（Gin Lee）和泳兒等，都紛紛在自己的社交平台轉發演唱會消息，出力支持。
關智斌預告演唱會多跳舞部分
Kenny指《The Endless Adventure》不僅是一場演唱會，更是一段成長路上不斷冒險探索的旅程，當中要有面對無常世界的勇氣，「在這一個你我都不會長大的晚上，將由「永遠的彼得潘」帶領大家，尋找屬於自己不一樣的答案。」除此之外，Kenny更預告：「個騷將會有好多跳舞部分，Rundown精彩到連我自己都睇咗十次，保證唔會悶親大家！」
延伸內容：關智斌衛詩雅組「快閃夫妻」為品牌宣傳 老闆楊受成送重磅大禮賀聖誕
延伸內容：英皇珠寶揀結婚禮物︱ 睇中足金鳳冠手鐲叫關智斌幫手埋單 衛詩雅結婚時可做「人形金條」
《東周網》訪談系列節目《星桄伴我心》8月重磅嘉賓：
即睇：譚輝智親解拉姑寵愛之謎 爆喊陪最愛開刀「望住手術室盞燈，我真係好驚！」
最Hit
