發佈時間：15:30 2025-06-14
有「最索經理人」之稱的林寶玉（Connie），早前現身法國第78屆康城電影節，穿起一襲低胸晚裝非常搶鏡，驕人身材表露無遺。據悉每年都會到歐洲度假的Connie，出席影展後，就立即到嚮往的尼斯享受陽光與海灘。日前東周刊就在法國尼斯石灘獨家直擊、穿着比堅尼的Connie曬日光浴，之後更周圍行街大吃大喝，她笑言：「之前為咗着行紅地氈嗰件晚裝，節食咗一個禮拜，所以做完嘢真係要盡情放肆。」
回復自由身主攻海外巿場
林寶玉於2008年參選「工展小姐選舉」奪得亞軍而入行。2020年她因為參加《亞洲小姐競選》奪得「網絡人氣獎」，其後被安排成為亞姐經理人，捧人有一手的她，出奇地將薛影儀（阿儀）捧紅而聲名大噪，因而有「最索經理人」的美譽。
前年Connie宣布與阿儀分道揚鑣發展及離開亞洲心動娛樂（AMM）後，恢復自由身的她就多多搞作，先主攻海外市場，收6位數字幫印度一間首飾商拍廣告。其後她又與關之琳及陳凱琳等一齊睇齊，並一同到巴黎出席時裝周，她坦言能夠躍升到國際，也是自己意想不到的，她說：「因為出席咗巴黎時裝周，就即刻有人邀請我去行騷，其實我都冇諗過自己會成為咗行騷嘅模特兒，所有嘢就好似冥冥中有安排咁。」
獲安排行2次紅地氈受寵若驚
據悉現時歐洲有經理人的Connie，身價已今非昔比；當一眾名人明星在法國康城行紅地氈，每年只會行一次，Connie就被安排行了兩次，超凡的待遇，令她受寵若驚，她續稱：「其實原本經理人只係安排咗夜晚嗰一場俾我，但係第一晚我睇完套戲，非常之興奮，於是經理人再同大會夾咗個時間俾我，我就臨時臨急去酒店附近買咗條裙，出乎意料個個都讚呢個造型好靚。」
林寶玉大吃大喝獎勵自己
行了兩日紅地氈，Connie難掩興奮之情，並表示能夠與一眾國際巨星同場，事前足足緊張了一個月，又要節食減肥，所以做完所有工作，她就立即去大吃大喝，獎勵一下自己，她坦言：「為咗着行紅地氈嗰條裙，我真係一個禮拜節食得好緊要，難得做完嘢，真係盡情放肆，因為當地每間餐廳都好靚，我真係好想去晒所有餐廳，所以每間餐廳我都入去食一碟小食、飲一杯嘢，每日可能加起嚟，真係食咗6至7餐。」
獨家直擊林寶玉法國大解放
日前東周刊就在法國尼斯的石灘獨家直擊Connie大解放，她先穿着性感露背晚裝在海邊吹吹風，盡情欣賞當地的風光明媚；再換上比堅尼在陽光普照下曬日光浴，她開心謂：「之前去法國南部都未試過去尼斯，今次專登做完康城影展就去尼斯兩日，原來嗰度真係人間仙境，早上熱辣辣，晚上涼浸浸，坐喺海邊吹住海風飲杯酒，爽呀！」這次法國之旅，Connie除了工作，也有購物和曬日光浴，寓工作於娛樂，非常盡興！
延伸內容：「最索經理人」林寶玉水着寫真率先睇 為影靚相「空肚食早餐」
延伸內容：林寶玉策劃慈善跑慶生 生日願望是盡快搵到Mr.Right
《東周網》訪談系列節目《星桄伴我心》6月重磅嘉賓：
即睇：75歲翁倩玉爆初戀情人秦沛畫卡通追求 隨緣孤身走情路 紅着眼憶重病父 為見愛妻堅持站起來
