發佈時間：09:00 2025-06-01
現年52歲的丁文俊（Angus），於1994年從加拿大回流香港參加《第十三屆新秀歌唱大賽》，並勇奪亞軍；跟着，他便留港從事幕後工作，亦曾到北京發展。
那些年，中加兩地生活的Angus，在首屆《中年好聲音》打入10強後，便決定不再飄洋過海。現時，他既成功做回歌手，又適逢其會在何文田區置業，每日對住獅子山的美景，活出港人自強不息的精神，旱前還首推個人單曲，30年後終於圓夢。
唱夏韶聲的〈交叉點〉獲伍仲衡大讚
首屆《中年好聲音》10強的丁文俊（Angus），在比賽期間，曾憑唱夏韶聲的〈交叉點〉，獲得評審伍仲衡大讚其聲線是眾多參賽者中「最有質感、最有自己質地」。此外，Angus 又因跟龍婷合唱情歌，而成為「緋聞情侶」，人氣急升，成功「入屋」。
事實上，現年52歲的Angus，早於1994年贏得《新秀歌唱大賽溫哥華選拔賽》冠軍，繼而回港再戰《第十三屆新秀歌唱大賽》，最終屈居海俊傑之下成為亞軍。不過，Angus接着反而做幕後，曾做過錄音室PA，甚至藝人的助手；然而，他對唱歌的熱情不減，在2007年與老友戴偉以A-Day樂隊之名，贏得《Cash 流行曲歌唱大賽》冠軍，又獲唱片公司簽約出道及推出唱片。可惜，Angus由於北上搞廣告製作，無奈將樂隊解散。
年前因為疫情，Angus要回港照顧年邁的父親，而不惜結束北京的生意，跟着見到《中年好聲音》招募，他憶述︰「好多朋友知我鍾意唱歌，猛咁叫我報名，我當時都抗拒，怕被評頭品足，最終都係想父母開心先參加，可以去到最後10強，我都好開心！」Angus不單止做回歌手，早前還推出個人首支單曲〈人有無數可能 〉，內容正是講述單身男的心聲。
何文田獨居生活
日前，Angus向本刊大方展示，其位於何文田一個約500呎的單身居所，內設兩房一廳，窗外景觀一流，不僅望到獅子山，還可遠眺啟德、東九龍一帶，相當開揚。而整間屋的裝飾和布置，既簡約實用又不失高雅，全部出自室內設計師弟弟的主意。個性文靜的Angus，閒時愛留家彈結他、聽歌、睇關於神秘學的書籍、煮嘢食、剪片、直播等，生活逍遙自在。
雖然Angus享受單身生活，但他始終是長子嫡孫，加上家族是潮州人，着重傳統，所以經常遭父母及長輩催婚。他透露昔日都有不少拍拖經驗，並且都是非常認真，平均4至5年，對上一段是在北京發生；可是，因文化差異而分開，至今感情未有着落。「父母都有催婚㗎，親友都試過幫我安排相睇，但最終只係見到個女仔嘅媽媽，話個女仔做會計，咁穩定職業，可能個人好悶。拍拖當然想開心，隨着年紀大，會謹慎選擇，唔想嘥時間。」
問到擇偶條件？Angus坦言︰「以前我會揀啱feel，𠵱家喜歡對方正面、開心、獨立自主、心地好，心善人美嘛。其實，我個人隨緣，要出現就會出現；不過，我都有信心，呢兩年內，快㗎啦！」
丁文俊將榮升酒店老闆
現時專注事業的Angus，工作瓣數多多，除了忙歌唱工作，又要幫忙打理父親的工程生意，自己還即將榮升為酒店老闆。「呢個泰國酒店計劃喺2010年開始籌備，同幾個拍檔夾份，每人投資6位數字。幢酒店樓高3層，現已開始試業，大概6月正式開業，到時我都會過去巡視。」
至於唱歌事業，Angus由21歲出道，輾轉至今30年後終出個人單曲，完全體驗人生無常，故把握每一個機遇，每一次都做到最好，期望新歌長出長有，「希望公司繼續投資。唔得，就要靠自己，好彩身邊多音樂界朋友。」幸好，他的新歌MV在官方網站，出街至今已有15萬6千點擊，總算不俗。有了事業，下一步就要尋覓愛情了。
延伸內容：顏米羔偕陳俞霏丁文俊獻唱派心冧粉絲 稱開拍鬼片做副導演超忙
延伸內容：丁文俊吳麗珠喜結善緣 偕眾星慶回歸兼為戰禍難民籌款
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
即睇：羅敏莊揭陳國邦屋企真面目 爆黃日華改名黃日謙 教講趣味泰文
