發佈時間：18:39 2025-06-02
吳若希（Jinny）《Gossip of Me》演唱會日前在澳門葡京人H853娛樂館尚梯館圓滿完成。Jinny的家人及一眾好友包括麥美欣、胡鴻鈞、周奕瑋、朱敏瀚、丁子朗、鄭衍峰、莊思敏、王子涵、丁文俊、陳曉華、戴祖儀和陳楨怡，專程前往澳門捧場；粉絲們亦特別在場館門外設置應援擺設，讓大家打卡留念。今次Jinny在台上展現全新形象和態度，令大家都讚不絕口，觀眾真摯的反應，更令Jinny感到為演出所付出的努力和嘗試是沒有白費的，嚟緊她希望將演出到內地和美加等地，原來她也可以做一個跳唱歌手。
證明自己可做跳唱歌手
Jinny在6位舞蹈員陪伴下以《炊煙》揭開了演唱會的序幕，她在唱過《暗湧》和《半》後說：「入行15年，呢個係我第一次喺澳門開個唱，心情又緊張又興奮，喺呢15年有不少我嘅流言蜚語，工作、感情、家庭...好多好多，今晚我會喺尚梯館嘅舞台上面畀大家睇清楚最真實嘅吳若希。」
輪到Jinny花了最多心血和時間練習的跳唱環節上，她一口氣跳唱了《召喚絲》、張惠妹的《Bad Boy》和60年代經典英文歌《Venus》，全場觀眾睇完後拍爛掌聲，Jinny即表示：「一直以嚟，我嘅歌都係劇集歌、情歌，今次演唱會我先發現，原來我都可以做一個跳唱歌手，真心要多謝陪我排咗好多日舞嘅排舞老師Apple同我班Dancers，仲有今次演唱會嘅形象設計，令我知道原來我都可以行型格路線。」之後Jinny的多位好友包括麥美恩等輪流獻花，讓全場氣氛充滿了愛。
詹天文任嘉賓唱派台歌
《聲夢傳奇》的詹天文（Windy）今次作為演唱會特別嘉賓，為大家帶來《一切都是有原因的》和《大雕刻家》，Windy在台上說：「好開心可以做Jinny姐姐嘅演唱會嘉賓，祝大家端午節快樂，大家食咗糭未？啱啱唱嗰首《一切都是有原因的》係我最新嘅派台歌，佢同Jinny姐姐首新歌都有聯繫，因為兩首歌嘅主題都係《愛》。」
Jinny隨後再回到台上獻唱《火和火柴》、《別再記起》和《我沒有傷心》，之後粉絲代表更為她送上生日蛋糕，補祝她33歲生日之餘，也祝賀她入行15周年。在演唱《感激跟你能夠遇見》時，Jinny更一時感觸落淚，最後在全場大合唱下以《越難越愛》為演唱會畫上圓滿句號。
感動各地朋友到場力撐
Jinny在完Show後表示：「終於完Show喇，其實我好開心同好感動，因為喺開Show前有兩三日係失咗聲，所以今日簡值係上天送畀我一份好好嘅禮物，因為琴日我把聲終於開番，今日終於可以完成成個表演，多謝自己、多謝上天，亦要多謝好多朋友喺唔同嘅地方嚟支持我，有啲喺內地，有啲喺香港，有啲喺日本，甚至乎有啲喺美國，我都估唔到今次呢個新主題《Gossip of Me》可以令到大家重新再聚埋一齊，我希望將呢個演唱會帶去更加多嘅地方，如內地、美加，畀多啲人見証到我嘅努力，因為排舞排得好辛苦，好想喊吖，救命呀！」
吳若希畀自己跳舞98分
她續說：「我畀自己今日跳舞98分，因為我已經盡晒我嘅力，當然我覺得有一啲位同Post可以做得更好，但其實我完全唔知我頭先跳舞時發生緊咩事，我腦裏面一片空白，係完全靠自己嘅Muscle Memory將段舞跳出嚟，我返到後台嗰陣係唔知自己跳成點，好彩排舞老師話我跳得好好，咁已經好足夠，令到自己交到功課。」
Jinny最後稱：「今晚最感動嘅一Part就係可以見到同我一齊成長嘅一班朋友，所以喺成個Show入面有一首歌係要送畀每一位我遇見過嘅人，首歌叫做《感激能夠跟你遇見》，我唱嗰陣控制唔到眼淚，就係因為有你哋呢班朋友陪住我成長，成就咗我，所以喺嗰一刻忍唔住喊，但係唱完之後又要收拾心情，因為要唱大家最想聽嘅《越難越愛》，氣氛超好，我估唔到澳門站嘅朋友仔咁『給力』，所以我會繼續努力，加油！」
延伸內容：吳若希澳門開騷 花盡心機行Cat Walk望行出《女神風采》
延伸內容：吳若希正日生日為演唱會澳門站排舞 1日學識獲排舞師讚有天分
延伸內容：惡妻吳若希社交平台「公審」有原因 現場直擊軟硬兼施玩殘老公
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
即睇：羅敏莊揭陳國邦屋企真面目 爆黃日華改名黃日謙 教講趣味泰文
