發佈時間：17:00 2025-01-28
47歲的伍允龍自與鍾嘉欣分手後，一直未有再公開新戀情。雖然曾跟劉佩玥傳緋聞，但從未認愛。直至早前他被拍到與一女伴同遊迪士尼，當時女方戴住口罩未能看清樣貌，但二人狀甚親暱，即被傳出有新戀情。早前他出席活動時，直承當日玩得好開心，是否拍拖就以「認識中」回應。昨晚（27日）他竟與細13年的「咪神」李蔓瑩（Renee）一齊去睇林峯演唱會，期間二人言談甚歡，十分Sweet；之後伍允龍終大方認愛，指Renee是他的女朋友，恭喜恭喜！
伍允龍稱「認識中」
伍允龍與胡子彤、張文傑日前出席「九龍城寨光影之旅」活動時，伍允龍已被追問是否有新戀情？當日她直認與女伴在迪士尼玩得好開心，但卻說：「拍唔拍拖都好，唔會特別公布，影到清清楚楚就講。（要恭喜你？）𠵱家認識中。（女方是否很年輕？）我諗啲相唔係好清楚，但佢又唔係好大個。（圈中人？）第日會知！（見咗家長未？）今日唔講咁多，放過我啦！」自爆5月27日會入場睇林峯演唱會時，問她會否帶女伴一齊睇騷，他回答：「睇吓點啦！」
伍允龍終大方認愛
至昨晚（27日）伍允龍果然現身紅館，他被網民拍到與Renee結伴看林峯演唱會，期間二人言談甚歡，十分Sweet！之後伍允龍大方認愛，今日回覆傳媒時表示：「好多謝大家最近嘅關心，噚晚同我一齊出席演唱會嘅，係我女朋友Renee，亦都係較早前一齊去迪士尼玩嘅朋友，最近透過朋友介紹認識開始拍拖，希望嚟緊大家都俾多啲時間同空間我哋，多謝大家！」
李蔓瑩曾認雙性戀
34歲的李蔓瑩，擁豐滿好身材，曾為ViuTV拍不少節目，包括《Girls' Talk》、《對不起 標籤你》、《旅行吊靴鬼》、《馬泰有FOOD了》、《點相 III 先機算》和《晚吹 - 有病有真相》等，因而被封為「ViuTV咪神」。
Renee曾與TVB體育主持鄺家銘（阿占）拍拖，去年受訪時則表示自己是雙性戀者，之前她與富貴髮型師女友Joe愛得高調，並在日本沖繩預演婚禮。二人拍拖4年，至去年感情生變，並公開表示已分手。
惟Renee曾被Joe暗指偷食人夫，並在IG限時動態表示：「有老婆都介入人哋嘅感情，損人而不利己，真係若要人不知唔好太低B。」即引發網民揣測，一度聯想Renee當時搭上仍是人夫的ViuTV主持駱振偉。
延伸內容：雖然不是英雄 伍允龍
延伸內容：龍重登場 伍允龍
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
即睇：羅敏莊揭陳國邦屋企真面目 爆黃日華改名黃日謙 教講趣味泰文
