Coffee反擊網民批評P圖勁 「我不嬲個樣都唔上鏡」

更新時間:15:32 2026-11-20
發佈時間:15:32 2026-11-20

林芊妤(Coffee)近日擔任伍詠薇主持的節目《九運會客室2》嘉賓,剖白童年時遭父親體罰留陰影,長大後曾影響其愛情觀,忍受被初戀男友拳打腳踢。怎料節目出街後,有網民截圖,批評「Coffee原圖直出原來係咁樣,平時p圖果然好勁」,並附上一張照片作比較,引來看不過眼的網民為Coffee平反,本尊Coffee也留言:「其實我不嬲個樣都唔上鏡嘅。」

網民開post力撐

有力撐Coffee的網民開post,表示:「原post已經del咗,都想同返原 post主講:Be fair ~你呢啲咪叫心地唔好囉!我特登用返同一條片cap,可唔可以唔好再迫害女性?𠵱家咩年代呀?𠵱家就算整容或者醫美都變得平常同小事啦,更何況P圖我唔係話林小姐有P,只係就算P咗,其實都唔需要大驚小怪囉!」
其他網民亦附和,「講真,生完妹妹我覺得你仲靚咗,好羨慕你呀!」、「我相信你平時D相/video就係exactly你個樣。每個人都有狀態,瞓得好、瞓得唔好、嗰日有水腫,乜嘢情況都可能會出現」、「你嘅外表一向都好consistent,所以唔會攞人講緊嘢嘅角度去話人P圖。」、「Coffee個狀態好好,心態都好好,even 心地都好。」等等。

拎7年前舊照對比

Coffee得到網民支持,留言回應:「其實我不嬲個樣都唔上鏡嘅,同埋我發現嗰日條裙嘅質地,會顯到一截截,搞到好似肥咗。不過我又真係啱啱生完仔,我都覺得自己塊面闊咗嘅。多謝咁多見過我真人既你哋幫我講說話,太sweet啦!同埋佢拎嗰張對比圖係七年前,我諗我都真係有老咗嘅⋯⋯唔好意思我會再keep好啲㗎啦!」

去年誕第2胎

Coffee在2018年結婚,與老公翟志榮育有一子一女,細女在去年11月出世,近年她成功轉型為瑜伽KOL,家庭事業兩得意。

延伸內容:母親節│囝囝請食飯慶祝 Coffee冧爆 :我一定喺前世拯救咗地球 !
延伸內容:林芊妤報喜母女平安 感恩哥哥對妹妹好溫柔