發佈時間：15:27 2025-05-19
艾威太太陳美玲（Lisa）昨日（18日）因病與世長辭，艾威今日發長文悼念。談到兩夫妻2020年突然宣布結束18年婚姻，早前艾威接受東周網「星桄伴我心」訪問時，主持人黃庭桄曾請艾威打電話給一個生命中最重要的人，他想也不想便致電給太太。主持人問Lisa經過與老公分開又復合，她坦言兩夫妻感情一向好好，艾威也很緊張她，卻因為一些事情令兩人要分開。
艾威生命中最重要的人
當日主持人黃庭桄請艾威致電給一個生命中最重要的人，說些情深說話時，艾威二話不說笑稱：「梗係打畀老婆。」當時艾威太太Lisa仍在醫院對抗病魔，艾威指這段時間有很多人關心太太，所以希望Lisa趁這個機會向大家說聲「多謝」。
Lisa多謝大家對她的疼愛
接通電話後，Lisa精神奕奕的說：「好多謝大家，我要keep on fighting，唔可以畀自己放鬆，等自己保持住呢個情緒，（有最愛你嘅老公艾威喺你身邊一路支持住你？）係吖，冇錯吖，同埋都好多謝大家、所有嘅朋友喇，知道我呢個情況，個個都好擔心我，個個都叫我加油努力，真係好多謝大家，我都希望藉住呢個機會，表達好多謝佢哋對我一直對我嘅疼愛疼愛。」
Lisa深情多謝老公艾威陪伴
當主持人問Lisa：「喺妳嘅生命裏面同艾威離離合合，最尾佢都返嚟妳身邊陪妳長相廝守，你嘅感覺如何？」Lisa聽到後即急不及待回答：「其實一路以來，兩夫妻感情係好嘅，但可能中間我哋發生咗啲一啲問題、有啲壓力，始終人生裏面有好多唔同嘅狀況出現喇，咁我老公一路都係緊張我嘅，佢係希望我好，我知我感謝好多謝佢，其實佢對我嘅......。」
Lisa表示會努力對方病魔
此時艾威微笑稱：「得喇，得喇，知喇，知喇，你唔好講咁多，喘氣喇，咁你休息下，唔好講咁多。」主持人再三鼓勵Lisa要加油，因很多觀眾朋友都支持她，Lisa當時續稱：「我知道，我會嘅，我一定要好努力、好努力！拜拜！」
延伸內容：艾威發文悼念太太：美玲美玲，知道妳已非常疲累，請好好休息
延伸內容：艾威太太求生意志下降 周潤發親臨探病 封利是鼓勵康復後一齊跑步
延伸內容：艾威太太Lisa肝病惡化病情告急 家庭成員全不合格 緊急呼籲熱心人士捐贈：十萬火急
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
