發佈時間：11:46 2026-11-10
中秋過後兩個月，街頭月餅早已清貨落架，聖誕商品亦陸續登場。不過深水埗一間老字號麵包店近日卻因一個「月餅櫃」意外爆紅，有網民驚訝發文表示：「都年尾啦，深水埗仲有月餅賣！」引發大批網民熱議，更一度懷疑是否出售中秋節賣剩的存貨。
有網民早前在社交平台分享照片，顯示深水埗元州街一間餅店仍然擺放多款月餅出售，每個售價約數十元。帖文一出即引來不少人質疑：「係咪過期月餅？」、「放咁耐唔會發霉咩？」、「中秋賣唔晒留到而家？」
不過，不少熟客和街坊即時為店舖平反，直言這間「漢堡麵包西餅」多年來都全年供應月餅。有忠實擁躉留言大讚：「真係好食」、「食過返唔到轉頭」、「陳皮豆沙同紅豆月餅好正」。
更有網民以幽默角度解讀事件，笑稱：「而家食到下年中秋款式，仲要唔使排隊！」、「月亮又唔止中秋先有，初一十五都食得月餅啦！」
面對外界質疑，餅店負責人接受訪問時忍不住大笑闢謠，強調店內售賣的絕非「中秋剩貨」。
他表示，店舖大約五、六年前開始全年供應月餅，原因十分簡單，就是一直有街坊支持。不少老顧客多年來習慣定期購買月餅，隔一段時間便想買來解饞，店方索性長年製作供應。
老闆透露，店內設有自家工場，所有月餅均由工場新鮮手工製作，並非大量囤積存貨。為確保品質，每隔兩至三日便會焗製新一批月餅，每次只做少量。
「放太耐真係會發霉，所以我哋唔會一次做太多，通常都係幾盤幾盤咁出。」他說。
除了深受街坊歡迎外，近年亦有不少年輕顧客專程購買。雖然月餅並非店內主打產品，但因需求穩定，所以一直保留這項特色供應。
目前店內主要提供雙黃白蓮蓉、陳皮豆沙及純豆沙等傳統口味，售價約30至40元不等。換言之，這個被網民誤以為是「清貨場」的月餅櫃，其實是街坊口中的另類「常駐美食」，一年365日都能買到新鮮出爐月餅。
圖片來源：香港茶餐廳及美食關注組@Facebook
立即追蹤《東周刊》全新WhatsApp頻道，緊貼全城熱話、突發猛料、獨家消息！
https://bit.ly/4gnvlZf
