更新時間：18:41 2025-05-02
發佈時間：18:41 2025-05-02
發佈時間：18:41 2025-05-02
肥媽Maria Cordero剛剛拉大隊睇完謝霆鋒演唱會，3日前4月30日她突然在FB貼上身在病房的相片，相中的肥媽一臉病容，神情略見呆滯，情況令人擔心。肥媽突然在FB月貼上身在病房的相片，並留言：「今朝起身，又咳又唔舒服，而家聲都開唔到。抱歉，明天的Live 要取消，唔好意思。」相中的肥媽一臉病容，神情略見呆滯，上身穿上一件黑色背心，外披上的厚身外套，半倚在床上，健康狀況令人擔心，肥媽的好友們和Fans紛紛留言慰問祝她早日康復。
早年曾患大腸癌 再患子宮肌瘤
肥媽近年身體曾出現不少問題，早前接受《東周刊》《星桄伴我心》訪問時就坦言曾經歷多次生死劫，2002年曾患大腸癌，其後更患上子宮肌瘤，最終要切除整個子宮保命。大病過後肥媽注重健康，間中上載做瑜伽的照片，分享做運動的重要性。
去年9月肥媽又因覺得心肌痛，檢查後被醫生建議入院做通波仔手術，肥媽說：「我心臟塞呀，有日心肌痛，痛得好緊要，然後就出晒汗，暈呀……度血壓好高，氧氣好低，咁就入嚟喇！而家醫生話要做手術，大家唔好擔心。」幸好手術過後火速復原。
肥媽生死劫後 學懂活在當下
經歷過多次生死劫，肥媽人生觀都有了轉變，她感觸地說：「人條命，其實唔係想像中咁長。我哋做人好鍾意有一連串計劃，五年後我做乜， 十年後又想做乜，仲有冇命做先得㗎 ？所以我哋真係要活在當下，尤其是我哋呢啲年紀。其實上天對我好眷顧，總之唔好成日同人比較，人哋有幾多身家，間屋有幾大，關你乜嘢事呢？屋幾大，你都係瞓半邊床啫。總之有家人、有朋友喺身邊，心中有愛，已經活得頂呱呱啦！」
延伸內容 : 肥媽李鼎打大佬｜肥媽好信邪 自爆瞓棺材衰足三年
延伸內容 : 肥媽講性經 教做小女人：性需要都冇，你做咩女人呀？
延伸內容 : 女人不可以不做愛│黃庭桄
最Hit
