更新時間：14:48 2025-05-02
發佈時間：14:48 2025-05-02
發佈時間：14:48 2025-05-02
畢業於2022年無綫藝訓班的洪曼芹，近年幕前演出不絕，繼在《愛•回家之開心速遞》中飾演《揸流灘》的「PA Kelly」搞笑之外，又在《巾幗梟雄之懸崖》中飾演胡定欣身邊的得力秘書「阿麗」。雖然入行僅3年，但洪曼芹已獲得一些有名有姓兼有對白的角色，並成功在觀眾的心目中留下印象，為她的星途打了一支強心針！
「夢芹」改為「曼芹」有原因
外表纖弱的洪曼芹，氣質古典，人如其名，她指其名都甚有意思：「我媽媽佗我嘅時候，好鍾意睇中國四大名著之一嘅《紅樓夢》，佢初時攞咗個『夢』字同作者曹雪芹嘅『芹』做我個名，但因為我初生時成日病，最終經玄學師傅建議，媽媽就為我由『夢芹』改為『曼芹』，結果身體真係好咗。」長大後，洪曼芹勇敢追夢，惜自己個性內斂，屬外冷內熱，初時拍《愛》劇時都較繃緊，直至經同劇的「Terry」李偉健、「杜演」李啟傑等的提點後，她才可以投入角色。
由於仍是演藝新人，她期望能循序漸進，「做好自己本分，達到一個藝人嘅標準。我咩都想嘗試，想試吓喜劇，做吓衰人。若能駕馭個角色，我會好開心。」現時，她正忙於拍攝新劇《正義女神》和《模仿人生》，大家不妨睇吓她有否進步？
最Hit
