發佈時間：15:59 2025-04-21
由袁詠儀（靚靚）和黃潔琪（Miko）合演的馬來西亞電影《阿媽有喜》，將於5月15日在香港上映。早前於3.8婦女節上映了一場特別場，反應不俗，故復活節加碼放映優先場，Miko更專程來港，與「阿媽」袁詠儀一同宣傳。昨日（20日）靚靚與Miko驚喜現身戲院謝票，跟全場觀眾包括專程捧場的圈中好友張達明、蔡一智夫婦等見面，分享拍攝時的難忘回憶。靚靚稱最搞笑是開拍前導演問她可否增肥？她笑言唔使刻意，因為拍攝時安排了外賣車可不停食嘢，一日仲可以食足9餐，她見腰圍愈嚟愈闊，真的似足有喜的「阿媽」！
袁詠儀首拍馬來西亞電影
首次拍攝馬來西亞電影的靚靚，直言劇本講高齡產婦這題材既吸引又貼地，加上青年新晉導演張順源誠意十足，所以便接受挑戰，靚靚說：「呢次拍攝《阿媽有喜》好開心，因為好多朋友嚟探班，劇組又準備咗一架外賣車，當地叫『碌碌』，咩美食都有，最鍾意係乾嘅肉骨茶，一日最多可以食足9餐！」
為求入戲，靚靚在造型上百分百合作，連體型也願意配合導演要求，非常專業，她笑道：「開拍前，導演曾經問過可唔可以增肥，結果都唔使刻意，拍攝時不停咁食嘢，腰圍愈嚟愈闊，望起嚟更加入戲、真係似足有喜嘅『阿媽』！」
靚靚主動與女兒Miko傾談
戲中飾演靚靚女兒的Miko，亦相當懷念拍攝時的時光，Miko說：「大家相處好融洽，每一天收工，都好期待第二日返工，大家又會輪流萬歲！」首次與靚靚合作，她坦言起初受到影后氣場所影響，不敢與靚靚說話，結果靚靚主動踏出溝通的第一步，立刻打破無形的隔膜。
靚靚說：「如果新演員係努力嘅話，就唔應該對佢哋太過嚴厲，反而要鼓勵多啲，最初其實有另一位演員嘅廣東話比Miko更好，但導演覺得Miko嘅外型比較適合角色，於是Miko都好努力去練廣東話，好乖女！」難得與影后演對手戲，Miko亦經常趁機偷師說：「沒有自己的戲份，我就會躲在導演的顯示器後面，欣賞『阿媽』的演出！」
靚靚一場食麵獨腳戲爆喊
電影講述一對年近退休的夫婦，在準備享受人生下半場之際，太太竟然忽然有喜、意外懷孕，不但打亂「下半場」的計劃，全家更如何面對突如其來的難題，且重新探討一家人多年來的相處和成長的處境、心態。這是人生一個值得思考的命題，感動人心。電影中阿靚（袁詠儀）在演繹突然有喜的「媽媽」非常到位，在其中一場食麵的獨腳戲中，她拍攝時不停落淚，令現場工作人員也讚嘆這位影后的精彩演出。
《東周網》訪談系列節目《星桄伴我心》4月重磅嘉賓：
即睇：倪樂琳曾因心口胎記感自卑 爆媽媽鍾意某男星
即睇：黃秋生剖白人生幾段情 愧對亡母，對花槽祭父，大仔生死劫，細仔嗲功攞錢
即睇：黃詠詩出身破地獄家族 見盡動人靈異故事 分享殯儀冷知識
即睇：艾威太太急需換肝 一度離婚再復合 細訴生死劫情緣
