發佈時間：16:48 2025-04-17
王晶日前突然在微博批評姜濤「人肥歌雞舞賤」掀網民熱議，網民反應兩極，其後王晶刪除帖文並改為批評姜濤歌迷指：「錯的是背後瘋狂的資本和師奶粉絲。」言論再惹怒「姜糖」，更連累女兒王子涵（原名王海榛）被「姜糖」狠批。日前「鏡粉」李婉華在直播中也力撐偶像姜濤，反擊王晶：「我唔覺得佢（姜濤）肥喎，點解啲肥人會覺得佢肥呢？我唔明，即係佢自己都肥，呢個係重點……我冇佢咁肥，我都覺得佢唔肥，一個後生仔做自己咋嘛！」更指月底便26歲的姜濤「好細個咋」，可見視偶像為兒子般疼錫。
王晶要求姜濤滾出娛樂圈
導演王晶早年拍過無數賣座港產片，曾自豪稱捧紅多位現今的巨星，不過近年他執導的賣座作品產量大減，去年轉型成為YouTuber，又開設抖音及小紅書帳號，大談與多位巨星昔日合作的光輝歲月，甚至多次批評周星馳為人，一度成為熱話。上周五（11日），王晶在微博上載多張姜濤歌迷「姜糖」往年聚集在銅鑼灣，為姜濤慶祝生日的照片，以及姜濤與天王劉德華的合照等，留言發炮：「香港頂流？真係冇發神經？人肥歌雞舞賤！你殺左（咗）我啦，香港頂流！求求你滾出娛樂圈啦。」言論掀起網民熱議。姜濤翌日（12日）在IG限時動態上載出席活動時在台下笑的影片，並留言：「smile.」而Threads則上載同樣的影片，不過附上「得啖笑⋯⋯」的留言，疑似以3字回應前輩王晶的批評；同日晚上王晶被發現已將批評姜濤的原因刪除。
王晶指姜濤沒有錯
周日（13日）王晶再度於微博發文：「前兩天一個天氣極差的晚上，我寫了一篇微博，罵了一個香港年輕人只是因為資本力捧而升到了一個荒謬而與他能力不對稱的地位。昨夜（12日）我把文章刪了，因為他沒有錯，錯的是背後瘋狂的資本和師奶粉絲，香港以往的頂流，是許冠傑，譚詠麟，張國榮，梅艷芳，張學友，和陳奕迅。現在卻捧出了一個這樣水平的『頂流』。怪不得內地十三億人都恥笑香港。也認定香港娛樂圈『已死』！」
王晶望姜濤有天身材健碩
王晶之後再補充：「當然，我希望這一位年輕人能有一天練成歌精舞勁身材健碩，真正具有『頂流』的質素，劉德華也自認過有人說他歌不好，戲不好，但經無數努力之後，成為永遠的天王！張國榮，謝霆鋒也是由無數喝倒彩聲中成長為巨星的！我希望有一天，我會衷心叫一聲這位年輕人『頂流』。（如果我未死的話）」
李婉華為姜濤突發直播狙擊王晶
移加多年的李婉華過去多次出席MIRROR成員不同地區的應援活動，甚至欣賞MIRROR的演唱會，自豪坦認是「鏡粉」，更不時在YouTube節目為MIRROR的是非平反。對於王晶批評姜濤的言論，她亦有留意，更為了替姜濤說話而請本來生病的林子博突發開直播，提起姜濤被批評時表現激動，並重提過去被王晶批評是過氣四線女星一事。
李婉華曾與王晶隔空罵戰
李婉華曾因批評《一舞傾城》與王晶結怨，李婉華曾在直播中批評王晶製作的劇集《一舞傾城》常提着女角「賣處」，認為意識不良，卻被王晶反斥：「我一向很少為自己作品的被評論辯解，但這兩天看到竟找了一個過氣四線，一個走路（佬）黃絲十八線來批評，我激到笑！」李婉華事後呼籲王晶積口德，又稱王晶玩針對牽扯政治立場：「我對佢今次嘅反應好失望，痛心疾首，完全好難接受。」事隔近兩年再於直播提及王晶，李婉華稱呼對方為「老友」，李婉華表示：「佢稱呼我哋……我就四五六七綫，你（林子博）就十八十九二十綫藝人咁，呢個朵幾勁呀，要多謝佢嘅！」更指王晶刷存在感說：「呢兩日好多聲音，有人就話係咪又有人想刷存在感呀，我都覺得係嘅！」
李婉華斥王晶對姜濤網絡欺凌
李婉華指雖然不想令王晶刷存在感成功，但她仍然想在直播討論他批評姜濤一事，是因為看不過眼，她說：「佢一個50年代出世嘅人，即係都成70歲，走去鬧一個1999年出世嘅人，都做得佢個孫喇！我覺得點解你仲咁好火，呢啲嘢係咪你適合講嘅呢？就算要刷存在感都唔係咁囉，無論你鍾唔鍾意姜濤，呢個絕對係網絡欺凌！好唔合適，何必呢？」李婉華認為不應該低估在網上罵人的後果，對於姜濤疑似發文回應王晶言論指「得啖笑」，她表示：「我好安樂呀，我覺得佢嘅反應係非常健康，同埋佢大個仔喇！」
林子博：肥就代表冇才華？
林子博亦支持姜濤做自己，他認為王晶指姜濤「人肥歌雞舞賤」言論不合適，林子博說：「你如果話佢跳啲舞好三級，或者除晒衫只係得條底褲就話啫，佢又唔係，點解要鬧到咁狠呢，我諗嚟諗去都諗唔明！我重申我唔係姜濤粉絲，但都睇唔過眼。」李婉華就表示非常欣賞姜濤的勤力，林子博認為姜濤肥並不代表沒有才華，他續說：「肥係咪就代表唔靚呢？或者肥就代表冇才華？我覺得唔係！」
李婉華斥某人：人肥戲屎口賤
李婉華認為姜濤應繼續做自己：「後生仔做自己，佢好細個咋，廿鬆啲歲。我唔覺得佢肥，好過你成日減到自己好瘦，唔開心咁何必啫，做返自己，咁我先更加鍾意。」李婉華認為姜濤有受眾、多粉絲，不認為姜濤不減肥就是錯，反批評王晶只「食老本」，常重提娛樂圈舊事。她亦不滿王晶批評喜歡姜濤的女粉絲是「師奶」，她表示：「哇！佢真係得罪晒所有人喎！」更不點名批評某人說：「『人肥戲屎口賤』就應該係形容某人，你唔好對號入座呀，我冇話你呀！」
延伸內容：數爆周星馳為錢失感情 Hea做唔交戲 王晶：以後都唔好合作
延伸內容：現場直擊李婉華幫余慕蓮補慶生 High爆同食客跳華爾滋
《東周網》訪談系列節目《星桄伴我心》4月重磅嘉賓：
即睇：倪樂琳曾因心口胎記感自卑 爆媽媽鍾意某男星
即睇：黃秋生剖白人生幾段情 愧對亡母，對花槽祭父，大仔生死劫，細仔嗲功攞錢
