發佈時間：13:11 2025-04-07
「扮嘢王」李思捷向來以幽默搞笑風格深受觀眾喜愛，早前他驚現內地頂流音樂節目《聲生不息・大灣區季》，與「福祿壽」拍檔阮兆祥「神模仿」林子祥和葉蒨文，獲觀眾一致好評。在內地掀熱話後，李思捷隨即到澳門舉行「李思捷百變天王笑唱會2.0」大放笑彈，除了「開箱」唱出多首從未在台上唱過的歌外，又有自己創作的歌，拿手好戲當然是模仿環節，扮嘢有一手的他坦言模仿女歌星最難是模仿聲線，所以一定要再下苦功。
唱出自創歌曲《後備》
李思捷今次在澳門笑唱會獻唱了不少快歌，並「開箱」唱出多首從未在台上唱過的歌曲，以及10年前由他創作的《後備》，為笑唱會帶來不少新鮮感，而李思捷更花了大量心力編排笑唱會，希望給觀眾帶來一個愉快的晚上。
模仿女歌星仍有難度
在笑唱會中，當然不少得李思捷最擅長的模仿表演，今次他模仿了劉德華、張學友、呂方和張國榮等歌聲演出，問到云云「扮嘢」當中，哪一次模仿最令他有成功感？李思捷坦言：「每次演出，只要有掌聲同笑聲，已有成功感，好似扮四大天王、秋官（鄭少秋）、蔡楓華都好有成功感。」雖然李思捷堪稱為扮嘢王之一，但他對於模仿女歌星仍感到有難度：「模仿外貌唔難，但最難係模仿女性聲線，又要唱得好，需額外花時間勤力練習。」
單飛演出冇唔習慣
李思捷以往經常跟兩位好兄弟王祖藍和阮兆祥、以「福祿壽」四處開騷，今次笑唱會中，李思捷單飛上陣，未知他可有不習慣？但李思捷笑言已經習慣晒，因為祖藍主力發展內地節目，而祥師兄則有個人棟篤笑騷，三人在各自的領域努力。
問李思捷可會效法阮兆祥挑戰揀篤笑？他斬釘截鐵表示暫時無意挑戰，他指開棟篤笑看似簡單，但做一次棟篤笑需投放以年計的時間、心力去創作笑話，他說：「以『大師兄』黃子華、許冠文為例，佢哋兩位前輩需要花費2至3年先創作到一次棟篤笑，要喺台上講足兩個鐘引人笑係好難嘅事情，如果笑唔出，就會浪費咗觀眾兩個鐘時間，自己又瘀，所以引人笑，係難過唱一首好歌，因為唱歌可以練，但引人笑要到現場先知道觀眾反應，所以一定要有肯定性先可以去做呢件事。」
為自己創作電影劇本
提到李思捷對上一次拍劇，已是2019年的《她她她的少女時代》，問到可有戲癮？他指遇上適合的劇本很重要，並透露今年會為自己度身訂造電影劇本、為自己創作角色，相信會更為精準有效。今年巿道雖不明朗，但李思捷的工作已排得密密麻麻，除了已拍板於4月底在佛山加開大型笑唱會外，亦將再與「福祿壽」到外地登台，又會跟男團「Hey Brother」推出新歌，大家拭目以待！
延伸內容：男團「HEY BROTHER」首出合唱歌 李思捷稱各有擔當冇隊長 期望與溫拿合唱和擺獎
延伸內容：萬千星輝賀台慶2024｜福祿壽 阮兆祥 王祖藍 李思捷 繼續扮嘢搞笑打頭陣
《東周網》訪談系列節目《星桄伴我心》3月重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
即睇：65歲林漪娸親揭與某藝人不和內幕 笑談老公鐵漢柔情 分享美魔女秘訣
即睇：倪樂琳曾因心口胎記感自卑 爆媽媽鍾意某男星
