發佈時間：15:50 2025-04-01
雲浩影（雲姨）、黃淑蔓、麗英和男子組合ROVER，早前分別到景嶺書院和博愛醫院陳楷紀念中學、出席第二季《電笠：人人和音 SCHOOL TOUR》，同場還有香港籃球運動員李琪及香港交互繩代表TaiTsz，齊齊化身「激勵師」為同學們減壓和打氣。雲姨表示當意識到自己鑽牛角尖時，就要學懂走出來，不要太執着；黃淑蔓稱追夢別忘初心，攰時Take a break就可以；麗英感到挫敗時，會勉勵自己要有耐性和堅持；而ROVER則認為朋輩互相支持最重要。
雲姨稱鑽牛角尖要學識放下
雲浩影與黃淑蔓獻唱時，不忘走到台下與學生握手和派心心，又跟學生們自拍，場面熱鬧。被網民譽為新一代女神的雲浩影，直言年輕時個性比較執着，完全明白諗得太多的煩惱，她提醒同學說：「當你知道自己鑽牛角尖嗰陣，要學識慢慢走出嚟，少少執着係OK嘅，但唔好太執着喇。」
黃淑蔓稱攰時Take a break
黃淑蔓之後邀請學生合唱《差一點我們會飛》，台上台下打成一片，氣氛甚好。對於追夢的過程，5歲已立志做歌手的黃淑蔓，對自己的目標非常明確，唯一的障礙是時間：「當你追夢嘅時間愈長，你嘅熱誠同初衷，可能會慢慢被時間沖淡，所以最緊要係勿忘初心。當你攰嗰陣就Take a break，諗一諗自己開始追夢時嘅初心係乜嘢。」
麗英經常提醒自己要堅持
麗英獻唱《解咒說明書》為學生解除「壓力咒」，她說：「希望大家都可以放低嗰啲好有壓力、好困擾嘅嘢，例如唔合格嗰啲啦！」問她如何面對失敗時，麗英自爆最深刻是由YouTuber轉型做歌手的經歷：「去咗個新嘅地方，見到好多好出色嘅前輩，會意識到自己嘅不足，面對失敗嗰陣就會好沮喪。有兩樣嘢我會經常提醒自己，就係一定要有耐性同堅持。見到自己不足，就畀時間慢慢改善，𠵱家做唔到唔代表之後做唔到。」
她又表示在音樂路上仍然是初哥，也會有感到挫敗的時候，她會勉勵自己說：「要有決心繼續向前，唔會畀咁簡單嘅挫折打低自己，最緊要有面對失敗嘅勇氣。」
ROVER指朋輩互相支持很重要
新生代男子組合ROVER，認為朋輩間互相支持很重要，成員Kim分享他們建立默契的方式：「除咗夾Band之外，多啲一齊食飯、多啲一齊做唔同嘅嘢，我哋又會傾電話，互相分享心事。」身旁的成員Jason即笑謂：「你講到有啲曖昧咁。」Kim不諱言成員之間的關係好親密，又搞笑在鏡頭前互講「我愛你」。
麗英及ROVER亦親身體驗「人人和音電話亭」，大讚這個以「聆聽當代聲音」為主題的企劃，非常有意義。而第二季《電笠：人人和音 SCHOOL TOUR》為期3個月的巡演，仍在進行中。
延伸內容：雲浩影分享新歌MV拍攝感受三度哽咽落淚 與T-Ma過首個情人節好Sweet
延伸內容：Me&全新聖誕歌登場 黃淑蔓期望到芬蘭會聖誕老人 連家穎愛吃大餐敍天倫
延伸內容：小薯茄鄧麗英YouTuber跳到大銀幕 盡展ESFP表演者人格
延伸內容：由不認識到組Band追夢 ROVER四子爆喊感激兄弟與粉絲沿路支持
《東周網》訪談系列節目《星桄伴我心》重磅嘉賓： https://bit.ly/4iJWGWf
即睇：喬寶寶細仔不良於行 陪伴中風病母 感觸落淚：見得幾耐得幾耐
即睇：65歲林漪娸親揭與某藝人不和內幕 笑談老公鐵漢柔情 分享美魔女秘訣
即睇：倪樂琳曾因心口胎記感自卑 爆媽媽鍾意某男星
