發佈時間：15:45 2025-03-24
林海峰（Jan）昨日（23日）與唐詩詠、強尼和RubberBand的「6號」繆浩昌等一齊到灣仔海濱參加《牛仔3K親子跑2025》，除了做起跑嘉賓，跑開馬拉松的他還落場跑埋一份。賽後他表示，「牛仔」不但是自己兒時的讀物，他介紹女兒看的第一本書也是《牛仔》，沒想到多年後可以跟「牛仔」一齊跑步，他覺得好感動呀！分享親子經驗時，他表示逢周日是「拗撬日」，與女兒不面對面反而仲好傾。
提議搞耆英組再跑
問林海峰完成3K賽事是否濕濕碎時，他即笑言：「濕濕地啦！對眼。」他續稱跑步時，見到牛仔在身邊可以跟他影相，沒想到細個時看的漫畫角色，長大後竟可企隔籬一齊出席活動，他直言：「真係好感動，係眼濕濕。王司馬先生嘅作品，細細個已經睇，估唔到今日咁多大朋友帶啲小朋友嚟，不過都係長者居多，下次應該唔好搞親子跑，搞耆英組會再多啲人嚟。」
親子跑如同播種子
談起親子跑，林海峰覺得起初與小朋友一齊跑步，都會覺得辛苦而拒絕，但長大後可能突然記起要做運動，他說：「我估今日好多小朋友都會覺得好曬好辛苦，唔想再跑，但到佢大個咗會記起，細個曾經有日好好天，好多人跑嚟跑去，然後就會做番運動，呢個好似落種子咁，細個睇《牛仔》漫畫都係落種子，好多瑣碎事，屋企無聊事，但當中充滿愛。」
與女兒不面對面最好傾
問到林海峰與女兒最難忘的親子活動，他搞笑稱是逢星期日的「拗撬日」，他坦言：「每到星期日晚都會反問自己︰『點解搞成咁？星期一要做好啲先。』但下星期又會不斷重複，因為一到做功課、考試，家長又想達到一定標準，但小朋友永遠都有第二個標準。」
所以Jan透露最佳的親子時間是在車上，讓大家冇機會面對面，他解釋：「好似當同的士司機傾偈咁，你會發覺同陌生人或者對住個背脊傾偈係最好傾，所以散步、行山、跑步都得，大家有段距離你問佢最近啲功課點，佢就會答你，總之大家唔好見到大家，面對面反而講唔到。」
延伸內容：叱咤903賀歲波︱林海峰大展球技為球隊奪金 阿Jer柳應廷稱因太緊張輸波
延伸內容：林海峰嚴禁復出 爆彭羚工廈秘授「奇功」
《東周網》訪談系列節目《星桄伴我心》3月重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
即睇：65歲林漪娸親揭與某藝人不和內幕 笑談老公鐵漢柔情 分享美魔女秘訣
