更新時間：17:58 2025-03-21
發佈時間：17:58 2025-03-21
發佈時間：17:58 2025-03-21
今日（21日）麥明詩在IG宣布BB已經出世，她貼上一張與老公盛勁為手拖手背影相，盛勁為另一手拎着BB搖籃，狀甚溫馨。麥明詩分別以中、英留言：「爸媽會與你一起成長，願你堅強勇敢，面對風雨、擁抱陽光。」除了麥明詩，日前黃翠如都被劉江疑似爆響口已經卸貨。
劉江誤爆黃翠如日前已經「卸貨」
黃翠如和蕭正楠早前在IG上晒出多張夫妻合照，卸貨在即的黃翠如大方晒巨肚，分享迎接小生命的喜悅心情，蕭正楠更留言：「蕭太太最近每天都說很不捨小肚子。」於幾日前3月19日，劉江接受李珊珊的YouTube頻道「三坐山 Mount Trio」訪問期間，劉江稱近年跟周潤發齊齊跑步，苗僑偉、戚美珍、黃日華與及黃翠如等人都有份參與，李珊珊說：「佢唔係大肚咩？」劉江就說：「生咗喇（李：你可能爆咗嘢出嚟）而家大家都知生咗，（李：剩係知佢有個肚，唔知佢生咗，幾時生㗎？）生咗喇，噚日、前日。」
劉江拒談黃翠如BB性別
李珊珊一臉尷尬地說：「你爆咗嘢出嚟。」劉江再說：「係咩，唔係爆，大家都知道㗎。（李：真定假，我上新聞未見到，我日日24時都拎住個電話）係咩，生咗。」李珊珊一度拎手上的紙遮面並笑住打圓場：「咁恭喜佢喇，祝福。」劉江似乎意識出現問題並說：「恭喜佢，我又冇講到係男定女， （李：講埋仲好），咁又唔講得。」李珊珊續說：「唔緊要，劉老師，冇心㗎，呢啲開心事，值得分享。」
最Hit
