發佈時間：15:10 2025-03-22
50歲前港姐吳文忻（現名吳忻熹）去年在社交平台指3年前患乳癌，去年復發已是第三期，癌細胞已擴散至淋巴腺。吳文忻自從乳癌復發後，一直積極面對。至昨晚（21日）吳文忻於IG表示，細胞變異轉了去尾龍骨，現時已由第三期變成第四期（末期），左胸的腫瘤更大到嚇親自己，令網民相當憂心，而多名圈中人都留言為她打氣，難得她仍樂觀面對：「唔緊要！四仔也可以好番！不用怕！害怕便輸了！」
吳文忻尋求另類治療
吳文忻昨晚在IG分享新片，並留言說：「變咗四仔㖭！冇錯！因為細胞變異咗，轉而咗去尾龍骨，所以變咗四期！之前喺醫院都立刻在尾龍骨做了5次電療！而左胸個腫瘤都大咗好多，大到也嚇親我自己，所以前兩星期出院也開始每星期要去化療，仲有，我呢兩星期也同時尋求一啲另類嘅治療，幫助治療癌症，提升免疫力和減低化療後副作用嘅方法去同步進行，估唔到效果相當好！下星期開live同大家講吓！唔緊要！四仔也可以好番的！不用怕！害怕便輸了！」
網民圈中人為她打氣
吳文忻表示病情惡化，仍以積極樂觀的態度面對，但她的最新帖文所形容的情況，實在令人憂慮，不少網民以至圈中人，包括陳家樂、余香凝、鍾慧冰、梁芷珮及張繼聰等都留言為她打氣，希望她吉人天相。
本月中面色蒼白入院
吳文忻早在本月17日時分享一段影片，當時她透露自己身處瑪麗醫院：「辛苦，我知道係辛苦，係辛苦嘅，但係同時我都好開心呢段時間有好多朋友，嚟探我啊畀嘢我食啊，煲湯啊，好多嘅愛啊。呢一場仗係要硬食架啦，係要辛苦去打，而打得嚟係開心，因為有好多愛同支持，感恩。」片中的她面色蒼白，並插着鼻喉臥在醫院病床。她在片中續說：「唔緊要，關關難過關關過，我一定會過到嘅。」
治療狀甚辛苦令人心酸
其後更分享留醫期間接近1公升的血水照片、插針及躺床照，又有很多親友到醫院探望及分享美食的自拍，可見人緣極佳的吳文忻獲得許多朋友的關愛與陪伴，精神狀態不俗。然而，片尾吳文忻又晒出自己進行治療的影片，當中可見她一邊整理帽子一邊說：「好痛啊，好痛」，之後又不停爆喊抹眼淚，畫面讓人感到心酸。
延伸內容：吳文忻病情告急？入院4日辛苦難捱 幸朋友給予愛和支持撐下去：我一定會過到
延伸內容：吳文忻更新抗癌情況 上載「血包」相 : 抽足1Litre心水
《東周網》訪談系列節目《星桄伴我心》3月重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
即睇：65歲林漪娸親揭與某藝人不和內幕 笑談老公鐵漢柔情 分享美魔女秘訣
