發佈時間：17:15 2025-03-15
鄧麗欣（Stephy）一連3場「STEP by STEPHY鄧麗欣紅館演唱會2025」昨晚（14日）開鑼，首次登上紅館的她，最亮眼應是又唱又跳騷腹肌兼360度側手旋轉，另林峯擔任表演嘉賓驚喜登場，令全場哄動。而Stephy因成功開紅館個唱終夢想成真，故在台上兩度灑淚，場面感人！
又唱又跳騷腹肌360度施轉
昨晚既有張繼聰、謝安琪、陳健安和梁釗峰等歌手捧場；祝賀花籃也特別多，包括劉德華、張學友、古天樂和成龍等。演唱會一開始，穿上閃石裙的Stephy獻唱《戲一場》、《黑夜孤寂。白晝如焚》和《不要離我太遠》等歌曲揭開序幕，接着她換上彩色露腰裝，以《No One Knows》、《宇宙最強》、《紅組加油》和《心急人上》等經典快歌，勾起觀眾集體回憶，期間舞蹈員更將Stephy捧起360度側手旋轉，全場歡呼。
以「STEP」命名有原因
連場精彩表演後，Stephy興奮地高呼「紅館」，觀眾即報以熱烈掌聲和歡呼。她問台下觀眾：「幾十年冇跳舞，係咪好有誠意先？嗰幾個圈練習時企唔穩。」她又練得一身腹肌，大騷Quali，她續說：「唔好意思，要你哋等咁耐，終於喺呢度見面，好多謝大家陪住我成長，一路唔放棄我，等我上到呢個舞台，非常多謝你哋！」她表示演唱會以「STEP」命名，是要紀錄演藝路的每一步，而初出道的歌曲是重要一步，還感謝母親支持，唱出為她而寫的《童謠》。
林峯驚喜登場稱首次合作
當Stephy演唱《十分愛》之後，表演嘉賓林峯升上舞台，全場驚喜尖叫，他們合唱《好心好報》後擁抱。Stephy說：「好多人問我邊個係嘉賓，我一直唔講，係咪好驚喜呢？」林峯笑說：「其實我哋無論拍戲，甚至從未同台合作，所以你（Stephy）一搵我就立即答應，首度合作就係紅館！」他們比較出道年資，林峯笑言一定不及台下張繼聰早，因為他由童星出道！他又表示今次當為自己5月紅館個唱作預演，當Stephy返後台換衫時，他再點名張繼聰和觀眾站起來跳舞，然後他與舞蹈員跳唱《Chok》，掀起高潮。
Encore又Encore滿足觀眾
其後Stephy換上透視黑色舞衣演唱新歌《不可得》，又與一眾女舞蹈員大跳性感舞演唱《我是⋯》和《派對動物》。跟住全場揮動手機亮燈大合唱《藍鞋子》、《親朋勿友》和《電燈膽》等金曲，期間唱《黑白照》時Stephy哽咽，並由觀眾接力唱。
Encore環節Stephy再出場，並說：「多謝每位買飛入場嘅觀眾，畀我好大嘅信心去繼續努力，唔好放棄自己嘅夢想，要喺呢個舞台上繼續唱歌畀大家聽。若干年後你哋可能唔記得咗呢個Show，起碼呢一刻，希望我有感動過你哋一秒鐘，或者一首歌嘅時間，都係一個好重要嘅Moment。」
之後她唱《Forever Friends》眼泛淚光，非常感動。雖然Stephy與樂手都離開舞台，但部份觀眾不肯散場，大叫Encore，換了便服的Stephy與音樂總監蘇道哲再出場，即興唱出《最後一塊》，為首場紅館個唱畫上完美句號。
延伸內容：鄧麗欣宣布明年開騷 拍海報拍到腰骨痛book定脊醫
延伸內容：鄧麗欣生日會 公布明年紅館開處女騷 與fans齊灑淚
《東周網》訪談系列節目《星桄伴我心》3月重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
即睇：65歲林漪娸親揭與某藝人不和內幕 笑談老公鐵漢柔情 分享美魔女秘訣
