發佈時間：15:45 2025-03-15
馮德倫（Stephen）於2006年自編自導自演的處境喜劇《老馮日記》大受歡迎，事隔19年，他最近再推出《老馮日常》短片，並宣佈Stephen全新動漫企劃「BUCKET MAN」面世，搵嚟「香港Figure教父」劉建文（Michael Lau）聯乘Figure。短片講述Stephen在路上激怒一名的士司機，當他逃到Michael Lau的辦公室、以避開搵上門尋仇的士司機，他毅然將紅色膠水桶笠上頭遮樣，而「BUCKET MAN」首個Figure造型就此誕生！
事隔19年推出《老馮日常》短片
當年的《老馮日記》風格另類，每集都請來重量級嘉賓，笑位十足，是備受好評的喜劇作品。事隔19年，最近Stephen竟推出《老馮日常》短片，以別開生面的方法，正式宣佈Stephen的全新動漫企劃「BUCKET MAN」面世，而Stephen更將亮相下周舉辦的ComplexCon，主持企劃發佈活動。
BUCKET MAN首個Figure造型誕生
Stephen創立「BUCKET MAN」動漫企劃，頭炮搵嚟Michael Lau聯乘Figure。而短片內容講述Stephen在路上激怒一名的士司機，當Stephen走到Michael Lau的辦公室開會時，為逃避搵上門尋仇的的士司機，毅然將紅色膠水桶笠上頭遮樣，而「BUCKET MAN」首個Figure造型就此誕生！
馮德倫唔夠潮「紅水桶」笠頭？
Michael Lau的Figure充滿個人風格，成名的Figure也總是罩着頭沒有看到樣子的，在《老馮日常》中Stephen要求Michael Lau設計有他靚樣的Figure，卻慘遭對方嘲笑：「邊個會買馮德倫嘅Figure呀？你只係靚仔，又唔夠潮……」未知這是否真正原因，今次Stephen便被安排以極具香港特色的「紅水桶」笠頭、再持雙節棍，充滿香港情懷。
Stephen續說：「今次建立嘅一個新動漫IP品牌，頭炮搵嚟Michael Lau設計咗今次BUCKET MAN Toy Figure，因為BUCKET MAN嘅誕生，我就諗到不如用《老馮日常》嘅短片分享呢件事，將創意、潮流同藝術融為一體。」
延伸內容：舒淇 馮德倫結婚8周年 台北舉行盛大派對似補辦喜酒
《東周網》訪談系列節目《星桄伴我心》3月重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
即睇：65歲林漪娸親揭與某藝人不和內幕 笑談老公鐵漢柔情 分享美魔女秘訣
