發佈時間：15:42 2025-03-06
朱凱婷、莊思明（Lisa）和陳陳㦤德等昨日齊出席將於本月底舉行的「慧妍雅集43週年慈善晚會2025」記者會。身為慧妍雅集會長的朱凱婷表示，現時巿道低迷要籌款都要碌盡人情牌，慧妍幹事莊思明亦表不搵人買枱好難，幸現已落實王灝兒（JW）、譚輝智及賈思樂擔任表演嘉賓，而朱玲玲、趙雅芝和陳茵媺亦答應現身支持，希望善款能創新高。
朱凱婷與老公同碌盡人情牌
慧妍雅集的籌款晚宴將於3月29日（星期六）舉行，主題為「Infinite Love 愛．無限」，將設有現場拍賣、慈善抽獎及精彩的娛樂音樂表演環節。朱凱婷坦言與老公今年都碌盡人情牌，問她可會感到壓力？她說：「幫慧妍做咗廿年司儀，今次仲以會長身份去搞慈善騷，有時壓力大到會失眠，以前又試過成日發開口夢講司儀稿，老公都成日畀我嘈醒，但我哋已經習慣晒。」她透露雖然市道低迷，未知善款最終能否過百萬創新高，但今年「買枱」最貴的都破了紀錄。
莊思明指楊明買了隻好貴戒指
身為慧姸幹事的莊思明亦和應遇上市道差，搵人買枱支持好困難，但也會盡力而為。談及男友楊明之前為她慶生，蛋糕以「老公豬豬」稱呼，即時被傳出喜訊，莊思明卻笑說：「呢啲好膚淺，只係字眼，呢個稱呼都用咗好耐，都明白大家好心急，但我哋都唔急，亦冇一個結婚限期畀自己。」她續指男友尚未求婚，但知道他已買了隻好貴的戒指，「其實我哋相處咁多年，日日見面又一齊住，結唔結婚都冇乜所謂，同佢相處最開心係細水長流，生活上佢好照顧我。」Lisa笑言不怕被催婚，只怕大家問到悶。
陳㦤德望與羅天宇情侶檔搵銀
同場的陳㦤德將為籌款晚宴擔任司儀。談及她上月生日，朋友到她家中慶祝，之後她分享照片，刻意將緋聞男友羅天宇的相收埋。問她是否奪得《萬千星輝頒獎典禮》「最佳女新人」後想以事業為重？她則解釋自己向來低調，因不想大家將焦點放在羅天宇身上，才沒有分享有他的照片。問公司會否安排兩人合作時，她說：「暫時少合作機會，但可以以緋聞情侶檔身份拍吓廣告。」會否收得高價一點？她笑言：「唔會，我一向價錢合理。」
延伸內容： 港姐季軍莊思明駕紅色Benz成功「搶Fo」
延伸內容： 阿七吳嘉儀結婚丨莊思明搶花球成功
《東周網》訪談系列節目《星桄伴我心》2月重磅嘉賓：
即睇：七仙羽被鬧神棍 爆喊剖白被欺凌 : 個個都笑我騎呢！
即睇：林盛斌Bob曾當選「我最討厭藝人」冠軍，被踩是垃圾 正能量反省：我做錯咗咩嘢？
即睇：李珊珊罕談舊愛錢嘉樂 剖白患驚恐症瀕死感覺 : 我會活好呢一生!
即睇：朱慧敏第二胎B仔出咗世啦！分享懷胎湊B心得 收蘋果批做結婚周年禮物 又喊又笑講「愛的宣言」
