鄭秀文5月澳門開騷 搶先劇透嘉賓場場唔同 造型有驚喜

更新時間:14:50 2025-03-05
發佈時間:14:50 2025-03-05

天后鄭秀文(Sammi)宣布將於5月9至11日、16至18日在威尼斯人綜藝館舉行六場《You & Mi鄭秀文澳門演唱會2025》。正努力籌備演唱會的Sammi多謝樂迷鼎力支持和愛護,她承諾會盡全力做到最好,務求為大家帶來一場升級版的演唱會。由挑選場地到演唱會中的每一個細節,Sammi與團隊都花盡心思。Sammi說:「揀選威尼斯人綜藝館係因為佢可以容納到萬幾位觀眾,人數同紅館一樣,又可以整到四面台,成個設置比較貼合同符合我哋個製作。」

Sammi透露澳門開騷會加入新元素 

不少樂迷好奇澳門站的演出內容會否與香港站不同,向來對自己要求非常高的Sammi透露會在基礎上加入新元素。她說:「上次演唱會好多朋友都買唔到飛,我好希望盡量保留香港站嘅元素,再加入新元素。等上次冇睇到嘅觀眾可以睇到咁好嘅製作同演出,睇過嘅朋友又會有新驚喜,咁就可以兼顧到兩邊嘅朋友,呢個係我同團隊深思熟慮嘅諗法,希望做到盡善盡美去報答大家對我嘅支持。」

嘉賓場場唔同 造型有驚喜

至於演唱會造型方面,「百變天后」Sammi派定心丸叫大家不用擔心,到時必定有新驚喜。她興奮表示:「呢方面我自己都好怕悶,會有啲唔同嘅造型。」而嘉賓方面,Sammi透露澳門站跟香港站一樣,每一場都有不同嘉賓,更直言樂迷們一定不會失望。她感恩說:「好多謝每一位接受我邀請嘅嘉賓,有你哋坐陣令到演唱會有更多火花,音樂上又會有多啲趣味。今次演唱會每一場都有唔同嘉賓,敬請期待!」


《東周網》訪談系列節目《星桄伴我心》2月重磅嘉賓:
即睇:七仙羽被鬧神棍 爆喊剖白被欺凌 : 個個都笑我騎呢!
即睇:林盛斌Bob曾當選「我最討厭藝人」冠軍,被踩是垃圾 正能量反省:我做錯咗咩嘢?
即睇:李珊珊罕談舊愛錢嘉樂 剖白患驚恐症瀕死感覺 : 我會活好呢一生!
即睇:朱慧敏第二胎B仔出咗世啦!分享懷胎湊B心得 收蘋果批做結婚周年禮物 又喊又笑講「愛的宣言」