更新時間：14:59 2025-02-13
發佈時間：14:59 2025-02-13
發佈時間：14:59 2025-02-13
葉子楣（Amy）日前邀請了黃百鳴、陳欣健、尹光伉儷、黃玉郎伉儷、周美鳳、楊仲恩、電影導演伍健雄和風水師黄楚淇等接近30位好友一齊新春聚餐。Amy不但精心挑選菜單，更特地從馬來西亞空運兩條各重6kg的當地五大名魚之一「巴丁魚」來港與大家分享，又安排遊戲和抽獎環節，令大家都玩得盡興！
畀面出席好開心
葉子楣對於一眾好友咁畀面出席，都表現得好開心，她說：「我好感恩大家對我咁好，因每次約佢哋參與我嘅飯局，就算佢哋一早安排咗節目都會推晒嚟參加，我希望每年都可以同大家一齊聚會同食飯，對我嚟講真係好開心嘅事。」她提到有多位好友在抽獎時加碼，令全場所有來賓都抽到獎品或獎金。
她續說：「其實每次揀菜單都係一項挑戰，今次我特別由馬來西亞空運咗兩條當地五大名魚之一、食風車果大嘅巴丁魚嚟香港同大家一齊分享，每條重約6kg，好肥美，又一啲都唔油膩，天然魚油又滑又嫩，大家食過後都讃不絕口。」
最開心攞女演員獎
談及去年的整體表現時，Amy表示：「2024年係豐收嘅一年，最開心嘅必然係得到由馬來西亞拿督基金會（The Malaysia Dato Foundation）頒發畀我嘅《80年代最具影響力女演員》奬，係對我演藝工作嘅肯定。而喺當地投資酒店嘅籌備過程中，讓我認識到唔少新朋友同新事物，不過酒店𠵱家處於起步階段，好多相關事情仍要學習，希望我喺演藝界多年嘅人脈關係，可以令酒店走得更遠、有更多元化嘅發展。我同時希望2025年各行各業事事順利，特別係電影界目前仲係喺唔太穩定嘅狀況，我最大願望係電影圈復甦，大家一齊面對難關，加油努力！」
延伸內容： 直擊葉子楣波霸變獎門人豪派現金
延伸內容： 葉子楣破戒飛馬來西亞開榴槤酒店 朋友欲介紹當地老實男「拍拖」
延伸內容： 獨家直擊葉子楣生日派對 「波霸始祖」突然變身 眼球好震撼
《東周網》訪談系列節目《星桄伴我心》2月重磅嘉賓：
即睇：七仙羽被鬧神棍 爆喊剖白被欺凌 : 個個都笑我騎呢！
最Hit
