發佈時間：22:20 2024-10-04
今年的巴黎時裝周和米蘭時裝周，吸引了各地女星前往朝聖，稱得上是衣香鬢影。當中以年屆66歲的樂壇天后麥當娜的性感打扮無人能及，韓國人氣女團BLACKPINK成員Jennie、Jisoo和Lisa同樣出眾，尤其Lisa有超模表現，不過香港代表鄭秀文和楊千嬅，略嫌跌Watt失色。即刻即下「星級形象指導」郭慶彬（Ricky）的點評，有讚也有彈！
延伸閱讀：港姐Fashion騷︱ 星級形象指導辣評33女星 馮盈盈敗筆仙女 關楓馨女神駕到
延伸閱讀：萬千星輝Fashion騷︱星級形象指導辣評25女星 佘詩曼衰保守 陳庭欣大媽上身！
延伸閱讀：金像獎Fashion騷︱ 星級形象指導辣評20女星 劉嘉玲得啖笑 楊偲泳唧出肥肉
香港代表
1/ 鄭秀文（Valentino）格格不入
「呢個好有節日氣氛嘅打扮，都ok嘅，其實佢着成套衫身形比例都均勻，係呢個頭怪怪哋扣咗分，有啲格格不入。」
2/ 鄭秀文（Valentino）一貫作風
「平時着衫一貫嘅作風，都係鍾意中性嘅打扮，佢刻意將件衫放落嚟有啲怪，同埋褲腳太長，改短效果更好，同埋耳環可以唔要。」
3/ 陳法拉（Chanel）修長大方
「全身白色打扮好Sharp、好有光采，因為佢本身都高，映得佢身形比例更加修長，配合化妝髮型同露趾高踭鞋，好高貴大方。」
4/ 陳法拉（Chanel）簡單高貴
「黑白色打扮層次好分明，幼帶背心帶點性感，亦凸顯到佢好靚嘅鎖骨位，望落好舒服，簡單中見高貴。」
5/ 楊千嬅（YOHJI YAMAMOTO）感覺Heavy
「呢個打扮一般，因為套衫Detalis太多感覺好Heavy，顏色令佢望落有啲陰沉，同佢平時大笑姑婆形象好唔一樣，個樣係討好嘅，但個髮型唔太襯。」
6/ 楊千嬅（SHIATZY CHEN）氣質提升
「條羽毛裙望落好矜貴，將佢個氣場同整體氣質提升咗，但襯呢個髮型又平咗啲，同條裙又唔係太Match。」
7/ Candy_Collar （Issey Miyake）勉強Carry到
「佢着呢個顏色勉強都Carry到，因後生先着到呢個灰色，同埋條裙個Shape幾得意，好似將兩把遮着咗上身，效果都幾特別，襯黑色厚底鞋啱啱好，加咗頸鏈令成個打扮冇咁悶。」
8/ Day_Collar （Issey Miyake）好有活力
「佢嘅打扮好Sharp、好靚，因為呢個紫色喺人群當中一定好搶眼，佢膚色又襯到，襯露趾厚底鞋效果又Ok，加咗戒指令成件事錦上添花，望落好有活力。」
9/ Ivy_Collar （Issey Miyake）感覺太沉
「佢着黑色裙太沉、太深色，突出唔到條裙嘅設計，成個感覺冇乜光采，襯埋呢對鞋效果都麻麻；雖然加咗啲飾物，但都幫唔到件事。」
10/ Day_Collar （Issey Miyake）Carry得好
「呢套衫嘅剪裁好特別，披肩連埋手袖嘅設計奇奇怪怪，佢身形唔算好高，但又Carry得幾好，加埋頂帽又Match，令成個打扮加咗分，真係要夠瘦先着得起！」
11/ Candy_Collar （Issey Miyake）輪盡臃腫
「其實條裙係幾有型，但着得佢好輪盡、好臃腫，望落好大隻，因為件衫嘅設計都幾複雜，好易着肥人，點知真係着到佢肥咗好多，佢完全Carry唔到。」
12/ Ivy_Collar （Issey Miyake）演繹失色
「其實黑色衫好易着得好睇，但可能條裙嘅Cutting同設計問題，佢演繹唔出型格、時代感同Fashion呢三種效果，更加着唔出嗰種高瘦嘅感覺。」
13/ Day_Collar （Issey Miyake）打扮普通
「全黑造型普通到不得了，一啲都唔起眼，雖然有少少露腰，但都救唔到成個打扮，條裙嘅長度又尷尬，襯呢對鞋效果好一般。」
14/ Ivy_Collar（Issey Miyake）太過造作
「黑色衫應該容易Carry，佢又苦心經營少少性感畀大家欣賞，但件衫着得佢好大隻同臃腫，襯條裙褲又好一般，加上個表情好造作，一句講晒唔靚。」
15/ Candy_Collar （Issey Miyake）感覺舒服
「黑白色造型，效果都唔錯，因為套衫嘅剪裁特別，配襯埋手鏈、手袋同對鞋，望落都幾有型，感覺好舒服。」
16/ 倪晨曦（Chloe）駕馭得起
「呢套衫真係要有佢咁高瘦嘅身形先着得起，因為皮背心係好難Carry，呢個咖啡色對亞洲人嚟講亦有難度，但佢襯咗同色手袋同裸色雪紡裙，真係一絶！」
17/ 倪晨曦（HOGAN）簡約時尚
「佢有Supermodel嘅身形，着咩衫都好睇同優勝過人，淺藍色恤衫裙加黑色長褸，已着出簡約時尚嘅感覺，如果紮起頭髮會更有美感。」
18/ 倪晨曦（Dior）聰明之選
「白色背心加埋白裙、再襯埋白色漆皮長Boots，真係絕配，成個Look簡約高貴又有時代氣息，簡單就是美就係呢種，個Nude色手袋又襯番個啡色頭髮，聰明之選！」
19/ 倪晨曦（Prada）吸睛設計
「呢套衫嘅剪裁係非常之特別，前面睇似係斯文嘅套裝，但背面玩晒好不規則嘅設計，又Colourful，非常吸睛，係人睇到都想望多兩眼，加埋副超好有星味。」
20/ 倪晨曦（miu miu）手套加分
「呢個造型都幾特別，因為今年好興娃娃裙同A-Line Style，條裙少少性感又騷到長腿，長手套先係焦點，有畫龍點睛嘅效果，襯呢個髮型又恰度好處。」
21/ 倪晨曦（Gucci）造型討好
「天藍色嘅造型好討好，Oversize皮褸當裙着，演繹出有型瀟洒嘅感覺，又騷到少少長腿，頸嘅配飾令整個打扮多咗飄逸感覺同動感。」
22/ 倪晨曦（Isabel Marant）後生Sporty
「一身Casual Wear着得佢好後生，雖然佢已經係三子之母，但都撐得住，亦演繹到整個Sporty Look，個髮型同高桶波鞋都襯得呢個運動風嘅造型！」
23/ 倪晨曦（Luisa Via Roma）華麗邂逅
「件衫好特別、多Details位，令全白造型充滿華麗感覺；裙嘅長度又啱啱好，着得佢身形好修長，加埋佢用咗今季流行嘅餃子袋，好貼潮流，方頭高踭鞋着喺佢身上都好夾。」
24/ 倪晨曦（Loro Piana）打扮一般
「件恤衫好特別，既有泡泡手袖，又有今年好興嘅蝴蝶結，着喺佢身上都好襯，略嫌條褲斯文得濟，襯對功夫鞋又奇怪，下身配襯較失色，打扮一般啫。」
中日韓台組
25/ 劉亦菲（LV）髮型出事
「佢有超模的高佻身形，着呢套衫真係好好睇，配搭得天衣無縫，望落又有時代感；可惜個髮型好出事，有啲誇又有啲娘，拖垮晒成個造型。」
26/ 楊冪（Loewe）有時代感
「呢套深色打扮佢着得算好好睇，因為佢身形唔算高，而長皮褸都難着，但佢居然着出嗰種時代感同Stylish，襯咗對尖頭鞋，成個打扮加晒分。」
27/ 楊冪（Loewe）醒目配襯
「一身Nude色造型都難Carrry，但呢個打扮好襯佢，因為佢皮膚夠白，加上佢好醒目咁將上身衫、手袋同鞋統一地襯番黑色，感覺好舒服。」
28/ 單依純（Chanel）清新高貴
「成個打扮幾高貴，而青色衫都難着，亞洲人難駕馭，但佢襯咗米色背心同牛仔褲，反而散發出一份清新嘅感覺，輕熟女造型好啱佢年紀穿着，望落好青春！」
29/ 小松菜奈（Chanel）斯文有型
「呢個打扮斯文得嚟好高貴，件外套好特別，領位同袖位有啲男裝嘅設計，再襯埋短褲，中性得嚟多咗份型格感覺，襯埋粉紅色手袋啱啱好。」
30/ Lisa_BLACKPINK（LV）打扮Sharp醒
「成個造型好Sharp、冇得輸，因為啡色Tone打扮都難Carry，真係要有佢咁高佻同纖瘦嘅身形先着到，迷你裙騷到長腿，性感得嚟好有型，而個髮型一般，勉強襯到唔使扣分。」
31/ Jisoo_BLACKPINK（Dior）動感元素
「全黑造型好Match，特別今年興流蘇、露肩款式同短裙，佢三種元素都有齊晒，感覺好有動感，最鍾意佢個髮型，乾淨又簡單。」
32/ Jennie_BLACKPINK（Chanel）脫穎而出
「佢着得好Sharp，因為天空藍嘅套裝好陽光、好有活力，熱褲又騷到佢嘅美腿，加埋一頭金色長髮，效果好突出，人群當中必定係最搶眼嗰個。」
33/ 張鈞甯（Chanel）懾人魅力
「一望落去好修長、好有美感，佢本身都高，條連身長裙好襯佢，着得佢身形比例好均勻，手袋同鞋都配搭得好，最出色係個簡單乾淨嘅髮型，有懾人嘅魅力。」
34/ 許瑋甯（Chanel）黑白分明
「原汁原味演繹出香奈兒高貴大方嘅美，件褸剪裁特別，今年又流行Oversize嘅造型，襯黑絲襪、黑鞋同手袋，黑白分明，層次感突出，如果金色頭髮轉番棕啡色效果會更好。」
外國一族
35/ 麥當娜/Madonna（Dolce & Gabbana）無人能及
「整個打扮好似聖母瑪利亞，皇冠、透視手套同黑絲，性感得嚟好有女人味；以佢呢個年紀，身形真係Keep得好好，冇人可以取代到佢地位。」
36/ 麥當娜/Madonna（Dolce & Gabbana）配襯一絕
「黑白造型襯得好絕，焦點係個腰封，映得佢身形好纖瘦，加埋狐狸毛同薄紗裙，帶出若隱若現嘅性感，着得佢身形比例又均勻，襯咗長Boots又有咗份型格感覺。」
37/ 麥當娜/Madonna（Dolce & Gabbana）性感女神
「黑白造型層次分明，呢幾年好興透明質地嘅衫，睇得出佢仲好貼潮流，而Deep V、透視加黑絲，好有性感女神典範感覺，打扮絕不比後生一輩遜色。」
38/ Cate Blanchettz（LV）有型瀟洒
「佢着得好Modern，因為流蘇款式同漆皮褲今季都好流行，但兩樣嘢都難Carry，真係要有佢Supermodel嘅身形先着到佢真係Perfect Match，着得好有型同瀟洒。」
39/ Ugo Mozie Naomi（Chanel）高貴優雅
「白色Deep V衫加埋高叉長褲，性感得嚟好高貴優雅，映得身形又修長；剪咗個埃及妖后頭，配襯上都算合格，加埋副超幾有型！」
40/ Ugo Mozie Naomi（Dolce & Gabbana）Keep得好好
「佢有番咁上下年紀，但身形仍然Keep得好好，特別着起呢套透視裝，顯得身形好均勻，設計上性感得嚟唔會覺得太暴露，仲多咗份型格感覺。」
41/ Riley Keough（Dolce & Gabbana）仙女下凡
「貓王孫女係表演嘉賓，出場時從天而降，好似仙女下凡，而整個造型都充滿仙氣，因為條裙好飄逸，着得佢身形又修長，加上透視設計令黑色打扮增添生氣。」
