發佈時間：13:42 2026-08-09
每天遛狗是家長例行公事，但有些狗狗太懶不願步行，更有些躺平在路上不願步行，任由家長如何拉扯牽繩都不肯起身。在啟德Airside就有一隻躺平小狗非常出名，賴死在地上不肯步行，然而有網民爆料，只要飼主說出三個字，狗狗便會即時彈起快樂奔跑。究竟邊三個字這麼神奇？
這隻躺平小狗名字叫「細佬」是一隻松鼠狗，每天都有一位叔叔帶他到Airside散步，而細佬之所以成為Airside名物，是因為大部分時間見到牠都是躺平在地上，任由飼主如何拖行，牠都不肯起身。不少網民將這趣怪場面拍下並上載至社交網絡分享，有網民就批評地上太污糟了，這樣拖行不是辦法為何不給牠寵物車呢？然而有心水清的網民就留言分享，通常狗狗不想回家，就會出現這種躺平的態度。
行為藝術表演咁
帖文引來網民熱烈回應，有網民分享他與狗狗飼主叔叔對話，了解到因為叔叔已經散完步要回家，但狗狗不肯，故出現這種躺平現象，狗狗賴死唔走。而飼主只要說出三個字：「去玩啦」，或數「一二三」，狗狗就會立即彈起身快樂奔跑。
對於狗狗這種躺平賴死唔行回家的態度，網民都紛紛留言指狗狗可愛：
「好得意呀！！！！！」
「行為藝術表演咁」
「松鼠狗行5分鐘就會躺平」
「叔叔個袋都係個樣」
「平時扮死狗 原來咁得意！」
「我係南豐見過佢地。一樣做地拖，原來係啟德名物」
「人哋係去放狗，佢係去拖地」
「冇一次係四隻腳行路 笑死」
經驗狗主猜到原因
有不少有經驗的狗主看到此情景，都紛紛分析原因：
「會唔會係行完 知道要返屋企 唔想走」
「以我養狗既經驗！係因為隻狗唔想行主人行果個方向！只要一調頭就會起反身！我隻肥野都係會咁瀨死！」
「我之前隻狗都係咁，每次出街一返到屋企樓下就係咁，要夾硬拉佢先返到屋企。
有網民就留言爆料：「我見過呢隻狗狗呀～仲同佢主人傾過計～佢每次要返屋企要走就會咁樣之一同佢講去玩、繼續行，佢就企返起身好活躍～勁cute」。
而據網民透露，細佬極幸福，飼主叔叔除了每晚都會帶牠在Airside躺平散步外，叔叔亦會帶牠到荃灣南豐紗廠、新蒲崗Mikiki等散步，真係羨慕死人。
影片：min9_love_u@threads､macytang@threads
