發佈時間：10:00 2026-02-13
馬年就快到，正所謂「新年新景象」，勝出《通靈之王》第一季冠軍的塔羅師羅泳嫻，和MIRROR星級化妝師Annie G. Chan，決定雙劍合璧，過兩招等大家在新一年由年頭行運到腳趾尾。
羅泳嫻說：「我哋會介紹2026年12星座嘅性格，適合乜嘢顏色嘅妝容同飾物配搭來催運，祝大家新一年樣樣都好！」Annie G. Chan則說：「化妝要配合星座之餘，仲要啱自己，最緊要身體健康同開心！」壓軸帶嚟土象星座系列：金牛座、處女座、魔羯座。
延伸內容：羅泳嫻 x Annie G. Chan︱ 馬年12星座行運妝飾︱ 水象星座系列：巨蟹座、天蠍座、雙魚座
延伸內容：羅泳嫻 x Annie G. Chan︱ 馬年12星座行運妝飾︱ 火象星座系列：白羊座、獅子座、人馬座
延伸內容：羅泳嫻 x Annie G. Chan︱ 馬年12星座行運妝飾︱ 風象星座系列：雙子座、天秤座、水瓶座
土象星座系列
金牛座（20/4-20/5）玫瑰金
金牛座天生勤力，比較務實。羅泳嫻說：「金牛座嘅幸運顏色係柔和嘅綠色、粉色同玫瑰金色，守護星係金星，金星代表美感、觀感、平衡身心嘅意思。」
Annie G. Chan即刻舉手自認金牛座，笑言身上有不少相關顏色的元素，「今年好多玫瑰金嘅眼影，建議大家可以先搽玫瑰金嘅妝前底霜，再搽粉底，咁就會有一個自然光彩嘅顏色彈出來。」
處女座（23/8-22/9）啡色
執着、完美主義者。羅泳嫻指處女座2026年運程不俗，有錢剩。「藍色、啡色同黑色可以招到貴人，有助平步青雲，當中啡色最幫到手。而男士就可以戴金運石嘅晶石，增強正財、偏財運。」
Annie G. Chan則提醒大家化啡tone要小心，「我哋係黃種人，如果化妝時用太多啡色會顯黃，俾人攰嘅感覺，所以如果眼影用咗啡色，面、頭髮就唔好再用同一色系，最好係是但揀一樣。」
魔羯座（22/12-19/1）灰色
魔羯座具藝術天份，專注度高。羅泳嫻說：「魔羯座想更加成功，可以揀灰色、深啡色、黑色同墨綠色，因為佢哋嘅幸運星係土星，代表紀律同強大意志嘅土星，揀呢啲色可以發揮才華。男孩子則可以穿灰色大褸，黑色嘅金運石、深啡色嘅琥珀石都可以幫到佢哋。」
妝容方面，Annie G. Chan推介黑色眼線、啡色隱形眼鏡，或者整靚指甲。
延伸內容：羅泳嫻2026年12星座運程| 人馬座、摩羯座、水瓶座、雙魚座運程 | 東周2026年開運指南
延伸內容：羅泳嫻2026年12星座運程| 白羊座、金牛座、雙子座、巨蟹座運程 | 東周2026年開運指南
延伸內容：羅泳嫻2026年12星座運程| 獅子座、處女座、天秤座、天蝎座運程 | 東周2026年開運指南
