發佈時間：10:00 2026-02-12
馬年就快到，正所謂「新年新景象」，勝出《通靈之王》第一季冠軍的塔羅師羅泳嫻，和MIRROR星級化妝師Annie G. Chan，決定雙劍合璧，過兩招等大家在新一年由年頭行運到腳趾尾。
羅泳嫻說：「我哋會介紹2026年12星座嘅性格，適合乜嘢顏色嘅妝容同飾物配搭來催運，祝大家新一年樣樣都好！」Annie G. Chan則說：「化妝要配合星座之餘，仲要啱自己，最緊要身體健康同開心！」第三炮帶嚟風象星座系列：雙子座、天秤座、水瓶座。
延伸內容：羅泳嫻 x Annie G. Chan︱ 馬年12星座行運妝飾︱ 水象星座系列：巨蟹座、天蠍座、雙魚座
延伸內容：羅泳嫻 x Annie G. Chan︱ 馬年12星座行運妝飾︱ 火象星座系列：白羊座、獅子座、人馬座
風象星座系列
雙子座（21/5-21/6）黃色
風象星座，代表機智多變。身為雙子座代表的羅泳嫻說：「雙子座嘅幸運色係黃色、銀灰色同藍色，又黃又藍咁神奇？因為黃色令佢哋有更多idea，藍色就令個人穩定，建議分開用。」
Annie G. Chan表示贊同，「可以淨係highlight 藍色頭髮，或者整Blue-black，有咗穩定感覺，之後再用黃色頭飾，配合返今年雙子座興嘅嘢。」
天秤座（23/9-23/10）馬卡龍色系
天秤座社交手腕強勁，為人公道、講義氣。羅泳嫻說：「天秤座嘅幸運顏色係天空藍、櫻花粉、薰衣草紫，簡單啲講，即係馬卡龍色好啱佢哋。守護星係金星，代表和諧，呢啲係佢哋吸引人之處，善用呢啲顏色可以令人緣更加好。」
Annie G. Chan指中國人可能會擔心carry唔到這類粉紅、粉藍、粉紫的夢幻顏色，「可以試吓lip gloss以外，戴粉紫色嘅帽。」
水瓶座（20/1-18/2）藍色
羅泳嫻指很多人以為水瓶座是水象星座，其實是風象星座，執生能力強，又聰明。「藍色嘅嘢好襯水瓶座，因為今年佢哋嘅幸運星係天王星，用一啲代表自由、創新嘅嘢啱晒，而且藍色可以穩定情緒。」
妝容方面，Annie G. Chan認為可以畫藍色眼線，「我好多時會畫喺眼頭或尾，令隻眼更有立體感，仲有耳環都好興藍色。」
延伸內容：羅泳嫻2026年12星座運程| 人馬座、摩羯座、水瓶座、雙魚座運程 | 東周2026年開運指南
延伸內容：羅泳嫻2026年12星座運程| 白羊座、金牛座、雙子座、巨蟹座運程 | 東周2026年開運指南
延伸內容：羅泳嫻2026年12星座運程| 獅子座、處女座、天秤座、天蝎座運程 | 東周2026年開運指南
