發佈時間：10:00 2026-02-11
馬年就快到，正所謂「新年新景象」，勝出《通靈之王》第一季冠軍的塔羅師羅泳嫻，和MIRROR星級化妝師Annie G. Chan，決定雙劍合璧，過兩招等大家在新一年由年頭行運到腳趾尾。
羅泳嫻說：「我哋會介紹2026年12星座嘅性格，適合乜嘢顏色嘅妝容同飾物配搭來催運，祝大家新一年樣樣都好！」Annie G. Chan則說：「化妝要配合星座之餘，仲要啱自己，最緊要身體健康同開心！」第二炮帶嚟火象星座系列：白羊座、獅子座、人馬座。
延伸內容：羅泳嫻 x Annie G. Chan︱ 馬年12星座行運妝飾︱ 水象星座系列：巨蟹座、天蠍座、雙魚座
火象星座系列
白羊座（21/3-19/4）燈色
才能超強，羅泳嫻睇好白羊座在2026年有升職加薪的機會，「幸運顏色係紅色系列，即紅色、橙色、亮黃色。」
Annie G. Chan說：「對中國人來說，橙色喺眼影入面好襯好用，但今年淨係喺雙眼皮位置搽一搽就得，摺位會強好多。冇雙眼皮的話，就喺眼窩上位置加少少橙色，或者試下金黃色頭髮，返工唔可以成個頭染，就做少少highlight。」
獅子座（23/7-22/8）金色
獅子座性格為人着想、有擔當，職場上可發揮領導才能。羅泳嫻說：「獅子座做嘢會有啲辛苦，可以用咩顏色來吸引神隊友幫手呢？就係金色、紫色同紅色呢啲強勢顏色，因為佢哋主要幸運星係太陽，比其他星座體積能量勁好多，亦可考慮戴鈦金水晶呢啲幸運石。」
Annie G. Chan就表示今年好興貓眼指甲，暗暗地突然sharp一sharp，靚。
人馬座（23/11-21/12）藍綠色
火象星座，性格主動積極。羅泳嫻說：「想工作、人事、追女仔方面成功率高啲，可以揀藍綠色或深紫色，因為紫色代表眉心，諗嘢會清晰啲。幸運星係木星，代表自由同智慧。而人馬座嘅朋友仔，戴頸巾係會靚啲、smart啲！」
Annie G. Chan則說：「今年興眼線妝，女仔畫完黑色眼線，上面加少少綠色、紫色或藍綠色，會有一種跳脫效果，最緊要加多少少點綴落去。」
延伸內容：羅泳嫻2026年12星座運程| 人馬座、摩羯座、水瓶座、雙魚座運程 | 東周2026年開運指南
延伸內容：羅泳嫻2026年12星座運程| 白羊座、金牛座、雙子座、巨蟹座運程 | 東周2026年開運指南
延伸內容：羅泳嫻2026年12星座運程| 獅子座、處女座、天秤座、天蝎座運程 | 東周2026年開運指南
