香港北上消費，零售與飲食界話唔見咗很多生意，生意人政黨立刻為他們出頭，建議政府設立港人離境稅與物業增值稅，這個提議一出，全城譁然，就算零售與飲食界代表亦不贊同，他們擔心深圳同時推出來港稅，就會因小失大，這並非沒有前科，當日香港政府推出限奶令，深圳亦作出反擊，推出一模一樣的限奶令，不過告示並不顯眼，大家可能未有留意，所以，零售飲食界是不支持港人離港稅是可以理解。

有人覺得奇怪，既然業界都唔支持，點解生意人政黨仍然要求政府推出港人離境稅？其實，政黨並不是真的希望政府推出港人離境稅，如果係就麻煩，政黨今次並不是單一要求，還有撤辣、退稅、設立永久夜市場地，估計其他三項是政黨的目標，港人離境稅反而唔係。政黨估計政府是不會全部批核，在風頭火勢下必定否決港人離境稅，政黨就得其所哉，這亦是生意人所講的蠢蛋條款。沒有這條蠢蛋條款，很多合約都不會成事，蠢蛋條款是一個下台階而已。不過，最令政黨失去預算就是零售飲食界都不支持，令人誤會政黨只是過分熱心而已。

財爺突然爆響口話考慮物業增值稅，令地產界有關人士大驚失色，增值稅一出，樓價會大跌，我認為大部分人誤會了財爺的意思，至於財爺會不會設立物業增值稅，我相信機會極高，時間大約是二月份，財爺恭讀《財政預算案》的時候，很多人認為增值稅是從買入的時間起計算，我認為唔會，應該是由預算案當日起計算，之前買入的物業是不用付增值稅，所以，財爺就提醒打算買樓的人，如果想避免日後要付增值稅，買樓就要趁手，千祈唔好猶猶疑疑，免得蘇州過後冇艇搭。

如果財爺的意思與我理解的一樣，在預算案之前，樓宇成交量將會急升，如果我理解有偏差，政府的確是打算從物業買入當日起計增值稅，咁就大件事，估計政府一定要面對法律挑戰，數之不盡的司法覆核，因為利益實在太龐大，都唔知要打幾多年官司，就算政府敗訴，增值稅是由宣布當日起計，但已經令全世界投資者捨棄香港，估計政府唔會咁蠢。

其實大家又不用被增值稅嚇親，雖然有人話這是SSD的無了期版本，但我認為未至於咁嚴重，畢竟增值稅要物業升值才要繳付，SSD是按成交價計算，賺蝕都要畀，唔好自己嚇自己。

如果增值稅由財爺宣布當日計算，增值稅只不過是利得稅的加長版本，現在都要持有物業七年以上才可以豁免，以後就冇得豁免。不過，買樓賺錢要交稅都好應該，我未見過一個人因為要交稅寧願唔賺，至於增值稅的稅率是多少，我估計不高於十五個百分點。