哈馬斯突襲以色列，箇中恩怨情仇，我真係唔識得講，所以，我都係講返戰術分析。有人問我哈馬斯點解可以咁犀利，明知以色列有「鐵穹」防禦系統，可以攔截九十幾個巴仙的飛彈襲擊，但從外媒報道，以色列第一波五千個導彈，絕大部分都可以命中目標，是「鐵穹」失靈，抑或去了哪裏？

「鐵穹」並沒有失靈，亦沒有去了哪裏，仍然在以色列境內待命中，但哈馬斯戰術得宜，最後可以攻破「鐵穹」，我講大家都唔信，哈馬斯今次戰術來自中國，叫矛盾。有老友話我亂作，小朋友都知道，矛盾是邏輯，又點會是戰術，故事是有一個人在市集買矛，並且自誇那把矛是全世界最鋒利的矛，任何盾都擋不住。稍後，那人攞一個盾出嚟，又自誇那個盾是最堅硬，任何刀劍都可以擋得住，有人話何不以子之矛，攻子之盾？結果若非是那把矛不夠鋒利，就是盾牌不夠堅硬，我當然唔係咁蠢，否則《東周刊》都唔會請我寫文章。

矛盾當然是邏輯，但「以子之矛，攻子之盾」就是戰術，今次哈馬斯就是用這個戰術，「鐵穹」系統對截擊其他國家所製的導彈是非常有效，但對於美國或者以色列製的導彈就無效。由於「鐵穹」是一個自動防禦系統，如果可以截擊所有導彈，容乜易以色列自己發射出去的導彈亦會被擊落，一套自動識別系統是必須的，以色列以為有了「鐵穹」，便可以安枕無憂，原來噩夢正在開始。

內塔尼亞胡如果識得我老友，有可能逃過今次被哈馬斯突襲。我老友有一幢大廈，保安系統非常完美，不單止工作人員，甚至車輛都早已登記，自動識別系統會阻止沒有登記的人員或者車輛進入。有一日，老友整幢大廈被賊佬洗劫，賊佬首先偷了一架在大廈有登記的車輛，入了大廈之後便可以予取予攜。哈馬斯今次也是一樣，知道買到美國導彈便可以攻破「鐵穹」系統，這是以子之矛，攻子之盾，矛盾雖然是邏輯，也是戰術。

有人話，美國的武器，一粒子彈都有登記，點會咁容易買到？如果那人有睇過卡地亞張單，就唔會咁樣講，澤連斯基老婆在美國買了一套百幾萬美元首飾，試問錢從何來？本來百幾萬美元唔係好多錢，但烏克蘭現在受戰火摧殘，澤連斯基四周圍搵贊助，老婆除了在紐約買之外，陪老公去立陶苑開G20會議時又係咁買，咁買法好多人唔滿意，至於錢從何來，我相信唔需要再解釋，美國有咁多先進武器供應烏克蘭，唔識得變錢就笨，更何況黑市價比正價高咁多。當哈馬斯買到矛，就會攻以之盾，攻破以色列「鐵穹」又有甚麼出奇。