闊太R的奶奶，早前在家滑倒，家人大為緊張。事關老人家跌一跌，後果可大可小。

幸好入院檢查後，一切正常，證實虛驚一場。

「奶奶成個人跣低，咩嘢傷都冇，只係撞爛咗隻玉鈪⋯⋯」R更表示，事後奶奶頻說是「玉鈪」替她擋了一劫。

姑勿論是否「玉鈪」的神奇力量庇佑，總之老人家無恙就好了。

闊太R續說，奶奶雖無大礙，但戴了多年的玉鈪爛了， 難免悶悶不樂。

所以問我這個「玉」女：「你手上有冇靚玉鈪，我想搵返隻畀奶奶⋯⋯」

玉鈪從來難求，霎時間我手上也沒有合適的，但我醒起R說過她的奶奶，曾在某店看中過一隻玉鈪，R更發過照片問我意見。

翡翠價格變動需要自己去掌握，不像金價或鑽石價等有官方發佈。

印象中那隻玉鈪質色均好，加上她奶奶又喜歡，我便反問她何不趁這時機買下。

原來R早有此心，只是再到店內洽問價錢，玉鈪加價近倍了。

「我覺得間舖好唔老實囉⋯⋯無端端加價咁多，一定是知我想買才坐地起價啦！」她的說法，帶着陣陣「陰謀論」的氣息。

站在同業立場，我敢說這件事跟誠信無關，原因是玉價跟金價、鑽石價一樣，會不時有所調整。

不過金價會每日公佈，鑽石價就定期有 Rapaport（鑽石價格表）發放，兩者清晰透明，消費者易於知悉。而「玉價」，就多是行內人才清楚走勢。

玉石價格會隨原料批發、供應多寡、市場趨勢和交易近況等影響而變動。

在頻密的交易中，行家們會注意到玉石價格的波動，當然會對手上玉石的售價作相應調整。

「即係好似你放盤賣樓咁，若果你個盤附近嘅新成交價高咗，你都會調高啲個『放盤價』啦。」

身為「大業主」的R，對樓市運作瞭如指掌，我這個比喻，叫她欲辯無話。

「𠵱家啲玉價不停升，對方加價追貼返個市，又點可以話唔老實呢？」叮！R的「陰謀論」被我完美K.O了。

玉價相對於金價和鑽石價，確實是較難掌握。但又正因如此，才帶來「尋寶」的機會。

因為人人對價格的敏感度不一，市面有機會出現價值已升，但售價未調整的玉石，「尋寶之旅」就得以展開了。

倘若尋寶有收穫的話，「興奮指數」分分鐘高過買到隻限量版birkin啊！

皆因我喜歡去玉石店尋吓寶，咁就畀人誤會我，成日掛住行街shopping不務正業，其實幾冤枉囉！

但啲人要抹煞我嘅事業心，我都冇辦法，只能講句「清者自清」。

咩話？啱啱見到我响Hermès行出嚟？點解釋？Er⋯⋯er⋯⋯我盪失路，入去問路啫嘛，嘻嘻！